БОЛАЖОНЛАРНИНГ ЯЙРАБ ЎСИШЛАРИ УЧУН БАРЧА ШАРОИТЛАР МУҲАЙЁ

Амударё туманидаги  22-сонли Мактабгача таълим ташкилоти 2018 йилда “Обод қишлоқ” давлат дастурига киритилиб,  2021 йилда фойдаланишга топширилди.
Лойиҳа бўйича 60 нафар болага мўлжалланган. МТТнинг  мактабгача тайёрлов гуруҳида 30 нафар, ўрта гуруҳда 30 нафар, жами 60 нафар кичкинтой таълим-тарбия олмоқда. Болажонларга 8 нафар педагог ходим ва 6 нафар ёрдамчи тарбиячилар замон талаблари асосида таълим-тарбия беришмоқда.
Мактабгача тайёрлов гуруҳи тарбиячилари Янгилжон Машарипова ва МТТ услубчи тарбиячиси Дилфуза Юлдашевалар,  ўрта гуруҳ тарбиячилари Шаҳноз Қурбонбоева,  Гулнора Алломова ҳамда ёрдамчи тарбиячилар Феруза Ромонова,  Дилфуза Юлдашева,  Наргиз Эшимбетова,  Гулшод Қиличова,  Шоҳида Эшмуратова,  Муҳаббат Қурбонбоева ва Маҳфуза Бегмуратова, ёрдамчи тарбиячилар Гулнора Алломова,  Ёрқиной Худойбергановалар устоз-шогирд анъаналари асосида иш олиб боришмоқда. Улар ёш тарбиячиларга малака ошириш сабоқлари,  зарур услубий ёрдам бериш, иш жараёнида масъулиятли бўлиш кўникмаларини ва тезкор амалий ёрдамни тақдим этадилар.

МТТ ходимлари 2021-2022 йил учун Амударё тумани Мактабгача таълим бўлими томонидан муҳокама этилиб, ташкилотнинг педагогик кенгашида тасдиқланган режа асосида иш олиб боришади. 2021-2022 таълим-тарбия йили давомида Ўзбекистон Республикаси Президентининг таълимга оид Фармон ва фармойишлари,  Вазирлар Маҳкамаси ҳамда бошқарув органларининг Қарор ва буйруқларини рўйхатга олиш ва уларнинг ижросини таъминлашга алоҳида эътибор қаратилади. Юқори ташкилотларнинг буйруқ ва бошқа ҳужжатлари МТТ ходимлари томонидан ўз вақтида расмийлаштирилиб, ижроси таъминланади. Режа ва тадбирлар ишлаб чиқилиб, ходимларга етказилади ва ҳар чоракда Мактабгача таълим бўлими ахборот бўлимига хисоботлар топширилади.
Йиллик режага киритилган педагогик кенгашлар, семинар ва очиқ машғулотлар ўз вақтида ўтказилади ва асосий вазифалар педагогик кенгашда семинарлар, маслаҳат мажлислари ҳамда ота-оналар йиғилишларида доимий равишда ўрганиб борилади.
Айни пайтда МТТда ёзги соғломлаштириш мавсумини мазмунли ўтказиш мақсадида режалаштирилган ишлар амалга оширилмоқда. Хусусан,  болаларнинг саломатлигини мустаҳкамлаш, табиий омиллардан кенг фойдаланиш ҳисобига болаларни соғломлаштириш ва жисмоний ривожлантиришга қаратилган тадбирлар тизимини амалга ошириш, ҳаво, қуёш, сув ванналаридан самарали фойданиш,  табиат қўйнида меҳнатни,  билиш фаолияти, турли хил таълимий ва ҳаракатли ўйинларни ташкил этиш, амалий кузатишлардан фойдаланиш ишлари олиб борилмоқда.

Мактабгача таълим ташкилотларида болаларни соғломлаштириш ва чиниқтириш ишларини ташкил этиш ёзги соғломлаштириш даври - июн-август ойларида амалга оширилади. Айнан ёз фаслида болаларнинг очиқ ҳавода кўпроқ сайр қилишлари, танасини чиниқтириш, ҳаракатда бўлиш ва саломатлигини мустаҳкамлаш учун мактабгача таълим ташкилотларида қулай ва зарурий шарт-шароитлар яратилади. Шу боис,  МТТ ходимлари ёзда мактабгача ёшдаги болалар билан ўтказиладиган барча тадбирларни енгиллаштириш,  қизиқарли ва ёрқин ўтишини таъминлаш,  чарчоқёзди машқлар, турли кўнгилочар тадбирларни мунтазам уюштириш,  кичик сайрларни ташкиллаштириш,  ижодий ва амалий ишларни биргаликда бажариш, сув муолажаларини ўринли қўллаш ва алоҳида белгиланган кун тартибига қатъий амал қилишади. Ёз фаслида йил давомида олиб борилган ривожлантириш марказлари ва умумий гуруҳлардаги таъ лимий-тарбиявий фаолият давом эттирилади,  яъни даврга мос берилган ой ва лиалталар мавзулари асосида ҳар куни таълимий фаолият ташкил этилади. Бунда кичик ёшдаги болаларнинг ривожлантириш марказлари - қуриш-ясаш ва математика; сюжетли-ролли ўйинлар ва саҳналаштириш; тил ва нутқ; фан ва табиат; санъатдаги эркин фаолиятлари ҳамда умумий гуруҳ (фронтал)ларда мусиқа, нутқ ўстириш,  жисмоний тарбия, бадиий адабиёт, элементар математика, иккинчи тилни ўрганиш машғулотлари олиб борилади.

Айни пайтда МТТда қисқа муддатли 4 та гуруҳ “Илк қадам” дастури асосида фаолият юритмоқда. Унга кўра,  устоз-шогирдлик анъанаси асосида таълим-тарбия ишлари олиб борилади.
Гуруҳларда таълим самарадорлигини ошириш ишлари кучайтирилган тартибда амалга оширилади ва МТТ мудири раҳбарлигида тарбиячилар томонидан дастурга кирган барча фаолиятлар учун кўргазмали қуроллар тайёрланган. Қисқа гуруҳларда 2 та тарбиячи,  2 нафар ёрдамчи тарбиячи фаолият кўрсатади. 1-2-қисқа гуруҳ тарбиячиси Маҳфуза Бегмуратова ва ёрдамчи тарбиячи Маъмура Дўсчанова лар ва 2-3-гуруҳ тарбиячиси Мунира Ўразметова ва ёрдамчи тарбиячи Саида Ортиқбоевалар боланинг индивидуал эҳтиёжини ҳисобга олган ҳолда илк ва мактабгача ёшдаги болаларни ривожлантиришга оид талаблар ҳамда Давлат ўқув-тарбия дастури асосида унинг ҳар томонлама баркамол ва етук ривожланиши учун қулай шарт-шароитлар яратилган хоналарда машғулотлар олиб боришади.

МТТда тарбиячи-педагоглар,  бола саломатлигини мустаҳкамлаш, унинг ҳаракатланиш эҳтиёжларини инобатга олган ҳолда иш юритишади.
Шуни алоҳида эътироф этиш керакки,  МТТ моддий-техника базасини яхшилаш ва мустаҳкамлаш мақсадида ҳовлидаги майдончаларга турли гул кўчатлари экиб,  ободонлаштириш ишлари олиб борилмоқда. Ердан унумли фойдаланиш мақсадида мевали дарахтлар тагига ош кўклар уруғи сепилди. Кўринарли жойга ташкилот пешлавҳаси,  ташкилот фаолиятини ёритувчи баннерлар илиб қўйилган. Мевали ва манзарали дарахтларга  шакл берилиб,  ободонлаштириш ишлари амалга оширилганлиги боис,  МТТ ҳудуди янада файзли,  кўркам қиёфа касб этган. Бу эса болажонларнинг табиатдан баҳра олиб,  яйраб ўсишларида энг муҳим омилдир.

Нилуфар ЮСУПОВА, 

22-сонли МТТ мудираси.