BOLAJONLARNING YaYRAB OʻSIShLARI UChUN BARChA ShAROITLAR MUHAYYo

Amudaryo tumanidagi  22-sonli Maktabgacha taʼlim tashkiloti 2018-yilda “Obod qishloq” davlat dasturiga kiritilib,  2021-yilda foydalanishga topshirildi.
Loyiha boʻyicha 60 nafar bolaga moʻljallangan. MTTning  maktabgacha tayyorlov guruhida 30 nafar, oʻrta guruhda 30 nafar, jami 60 nafar kichkintoy taʼlim-tarbiya olmoqda. Bolajonlarga 8 nafar pedagog xodim va 6 nafar yordamchi tarbiyachilar zamon talablari asosida taʼlim-tarbiya berishmoqda.
Maktabgacha tayyorlov guruhi tarbiyachilari Yangiljon Masharipova va MTT uslubchi tarbiyachisi Dilfuza Yuldashevalar,  oʻrta guruh tarbiyachilari Shahnoz Qurbonboyeva,  Gulnora Allomova hamda yordamchi tarbiyachilar Feruza Romonova,  Dilfuza Yuldasheva,  Nargiz Eshimbetova,  Gulshod Qilichova,  Shohida Eshmuratova,  Muhabbat Qurbonboyeva va Mahfuza Begmuratova, yordamchi tarbiyachilar Gulnora Allomova,  Yorqinoy Xudoyberganovalar ustoz-shogird anʼanalari asosida ish olib borishmoqda. Ular yosh tarbiyachilarga malaka oshirish saboqlari,  zarur uslubiy yordam berish, ish jarayonida masʼuliyatli boʻlish koʻnikmalarini va tezkor amaliy yordamni taqdim etadilar.

MTT xodimlari 2021-2022-yil uchun Amudaryo tumani Maktabgacha taʼlim boʻlimi tomonidan muhokama etilib, tashkilotning pedagogik kengashida tasdiqlangan reja asosida ish olib borishadi. 2021-2022 taʼlim-tarbiya yili davomida Oʻzbekiston Respublikasi Prezidentining taʼlimga oid Farmon va farmoyishlari,  Vazirlar Mahkamasi hamda boshqaruv organlarining Qaror va buyruqlarini roʻyxatga olish va ularning ijrosini taʼminlashga alohida eʼtibor qaratiladi. Yuqori tashkilotlarning buyruq va boshqa hujjatlari MTT xodimlari tomonidan oʻz vaqtida rasmiylashtirilib, ijrosi taʼminlanadi. Reja va tadbirlar ishlab chiqilib, xodimlarga yetkaziladi va har chorakda Maktabgacha taʼlim boʻlimi axborot boʻlimiga xisobotlar topshiriladi.
Yillik rejaga kiritilgan pedagogik kengashlar, seminar va ochiq mashgʻulotlar oʻz vaqtida oʻtkaziladi va asosiy vazifalar pedagogik kengashda seminarlar, maslahat majlislari hamda ota-onalar yigʻilishlarida doimiy ravishda oʻrganib boriladi.
Ayni paytda MTTda yozgi sogʻlomlashtirish mavsumini mazmunli oʻtkazish maqsadida rejalashtirilgan ishlar amalga oshirilmoqda. Xususan,  bolalarning salomatligini mustahkamlash, tabiiy omillardan keng foydalanish hisobiga bolalarni sogʻlomlashtirish va jismoniy rivojlantirishga qaratilgan tadbirlar tizimini amalga oshirish, havo, quyosh, suv vannalaridan samarali foydanish,  tabiat qoʻynida mehnatni,  bilish faoliyati, turli xil taʼlimiy va harakatli oʻyinlarni tashkil etish, amaliy kuzatishlardan foydalanish ishlari olib borilmoqda.

Maktabgacha taʼlim tashkilotlarida bolalarni sogʻlomlashtirish va chiniqtirish ishlarini tashkil etish yozgi sogʻlomlashtirish davri - iyun-avgust oylarida amalga oshiriladi. Aynan yoz faslida bolalarning ochiq havoda koʻproq sayr qilishlari, tanasini chiniqtirish, harakatda boʻlish va salomatligini mustahkamlash uchun maktabgacha taʼlim tashkilotlarida qulay va zaruriy shart-sharoitlar yaratiladi. Shu bois,  MTT xodimlari yozda maktabgacha yoshdagi bolalar bilan oʻtkaziladigan barcha tadbirlarni yengillashtirish,  qiziqarli va yorqin oʻtishini taʼminlash,  charchoqyozdi mashqlar, turli koʻngilochar tadbirlarni muntazam uyushtirish,  kichik sayrlarni tashkillashtirish,  ijodiy va amaliy ishlarni birgalikda bajarish, suv muolajalarini oʻrinli qoʻllash va alohida belgilangan kun tartibiga qatʼiy amal qilishadi. Yoz faslida yil davomida olib borilgan rivojlantirish markazlari va umumiy guruhlardagi taʼ limiy-tarbiyaviy faoliyat davom ettiriladi,  yaʼni davrga mos berilgan oy va lialtalar mavzulari asosida har kuni taʼlimiy faoliyat tashkil etiladi. Bunda kichik yoshdagi bolalarning rivojlantirish markazlari - qurish-yasash va matematika; syujetli-rolli oʻyinlar va sahnalashtirish; til va nutq; fan va tabiat; sanʼatdagi erkin faoliyatlari hamda umumiy guruh (frontal)larda musiqa, nutq oʻstirish,  jismoniy tarbiya, badiiy adabiyot, elementar matematika, ikkinchi tilni oʻrganish mashgʻulotlari olib boriladi.

Ayni paytda MTTda qisqa muddatli 4 ta guruh “Ilk qadam” dasturi asosida faoliyat yuritmoqda. Unga koʻra,  ustoz-shogirdlik anʼanasi asosida taʼlim-tarbiya ishlari olib boriladi.
Guruhlarda taʼlim samaradorligini oshirish ishlari kuchaytirilgan tartibda amalga oshiriladi va MTT mudiri rahbarligida tarbiyachilar tomonidan dasturga kirgan barcha faoliyatlar uchun koʻrgazmali qurollar tayyorlangan. Qisqa guruhlarda 2 ta tarbiyachi,  2 nafar yordamchi tarbiyachi faoliyat koʻrsatadi. 1-2-qisqa guruh tarbiyachisi Mahfuza Begmuratova va yordamchi tarbiyachi Maʼmura Doʻschanova lar va 2-3-guruh tarbiyachisi Munira Oʻrazmetova va yordamchi tarbiyachi Saida Ortiqboyevalar bolaning individual ehtiyojini hisobga olgan holda ilk va maktabgacha yoshdagi bolalarni rivojlantirishga oid talablar hamda Davlat oʻquv-tarbiya dasturi asosida uning har tomonlama barkamol va yetuk rivojlanishi uchun qulay shart-sharoitlar yaratilgan xonalarda mashgʻulotlar olib borishadi.

MTTda tarbiyachi-pedagoglar,  bola salomatligini mustahkamlash, uning harakatlanish ehtiyojlarini inobatga olgan holda ish yuritishadi.
Shuni alohida eʼtirof etish kerakki,  MTT moddiy-texnika bazasini yaxshilash va mustahkamlash maqsadida hovlidagi maydonchalarga turli gul koʻchatlari ekib,  obodonlashtirish ishlari olib borilmoqda. Yerdan unumli foydalanish maqsadida mevali daraxtlar tagiga osh koʻklar urugʻi sepildi. Koʻrinarli joyga tashkilot peshlavhasi,  tashkilot faoliyatini yorituvchi bannerlar ilib qoʻyilgan. Mevali va manzarali daraxtlarga  shakl berilib,  obodonlashtirish ishlari amalga oshirilganligi bois,  MTT hududi yanada fayzli,  koʻrkam qiyofa kasb etgan. Bu esa bolajonlarning tabiatdan bahra olib,  yayrab oʻsishlarida eng muhim omildir.

Nilufar YuSUPOVA, 

22-sonli MTT mudirasi.