Кўп йиллар давомида прокуратура соҳасида фидойи меҳнат қилган Гулора Бобожонова “Фахрий ходим” кўкрак нишони билан тақдирланди
Сана муносабати билан турли тадбирлар ўтказилади, ўқитувчи, мураббийларга юксак ҳурмат-эҳтиром кўрсатилади.
Мамлакатимизда 1995 йилдан бери 1 октябрь Ўқитувчи ва мураббийлар куни сифатида кенг нишонланади. Чунки ҳар бир инсоннинг илм олиб, касб-кор, мутахассислик маҳоратини эгаллашида устозларнинг хизмати беқиёсдир. Эзгуликдан сабоқ бериб, юксак инсоний фазилатлари билан ҳам ёшларга ўрнак, намуна бўлган, ўз тажрибаларини ёшларга эринмай ўргатиб, устозлик мақомига эришган инсонлар барча соҳаларда ҳам бор.
Туманимизнинг мўътабар, эъзозли аёлларидан бири, умр бўйи прокуратура соҳасида машаққатларидан чўчимай фидойи меҳнат қилган Гулора Бобожонова ҳам шундайлар сирасидан.
Яқинда опанинг ҳаётида қувончли воқеа бўлди. У Ўзбекистон Республикаси Бош Прокуратураси томонидан 1 октябрь – Ўқитувчи ва мураббийлар куни муносабати билан прокуратура органларида кўп йиллар фидокорона хизмат қилиб, ёш мутахассисларни тарбиялаш, уларнинг билим ва малакасини ошириш, касбий кўникмаларини ривожлантириш, етук мутахассис этиб шакллантириш ҳамда фаолиятни илмий-методик жиҳатдан таъминлаш ишига салмоқли ҳисса қўшгани учун “Фахрий ходим” кўкрак нишони билан тақдирланди.
Фидойи ва камтарин инсон ўз соҳасининг билимдони, прокуратура органларида узоқ йиллар самарали ишлаган Гулора Бобожонованинг меҳнатлари эътироф этилиши мамлакатимизда инсон омилига эътиборнинг бир намунаси, десак адашмаган бўламиз. Гулора Бобожоновани “Фахрий ходим” кўкрак нишони билан қутлаб узоқ умр, сиҳат-саломатлик тилаймиз.
“Тараққиёт кўзгуси” газетаси таҳририяти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
