ИҚТИСОДИЙ ЎСИШ ТАРАҚҚИЁТГА ЭЛТАДИ

Туманимиз иқтисодий тараққиётини таъминлаш мақсадида белгиланган устувор мақсад ва режаларнинг амалга оширилиши  натижасида барча соҳаларда салмоқли ютуқлар қўлга киритилди. Жорий йилнинг ўтган тўққиз ойи якунларига кўра, саноат маҳсулотларини ишлаб чиқариш 431,5 млрд. сўмни ташкил этиб, ўсиш суръати 104,8 фоизга, туман аҳолиси жон бошига 2 093,6 минг сўмга, халқ истеъмол моллари ишлаб чиқариш ҳажми 168,1 млрд. сўмни ташкил этиб, ўсиш суръати 142,7 фоизга, туман аҳолиси жон бошига эса 816,0 минг сўмга, қишлоқ хўжалиги маҳсулотлари етиштириш 1 трлн. 560,2 млрд. сўмни ташкил этиб, ўсиш суръати 101,1 фоизга, туман аҳолиси жон бошига 7 570,3 минг сўмга, инвестициялар ҳажми 413,6 млрд. сўмни ташкил этиб, ўсиш суръати 160,8 фоизга етди. Қурилиш ишлари 225,8 млрд. сўмга, ўсиш суръати 119,7 фоизга ва туман аҳолиси жон бошига 1 095,9 минг сўмга етди.

Ҳудудий саноат маҳсулотлари 210,6 млрд. сўмни ташкил этиб, ўсиш суръати 108,1 фоизга, туман аҳолиси жон бошига 1 021,9 минг сўмга, чакана савдо айланмаси ҳажми 534,1 млрд. сўмни ташкил этиб, ўсиш суръати 108,4 фоизга етказилди. Хизматлар 379,1 млрд. сўмни, ўсиш суръати 115,4 фоизни ташкил этиб, туман аҳолиси жон бошига 1 839,8 минг сўмдан тўғри келди.

Жорий йил охиригача саноат маҳсулотларини ишлаб чиқариш 570,4 млрд. сўмни ташкил этиб, ўсиш суръати 105 фоизга, халқ истеъмол моллари ишлаб чиқариш ҳажми 224 млрд сўмга, ўсиш суръати 105,9 фоизга, қишлоқ хўжалиги маҳсулотлари етиштириш 2 трлн. 433,1 млрд. сўмга, ўсиш суръати 103,3 фоизга, инвестициялар ҳажми 506,6 млрд. сўмга, ўсиш суръати 103,4 фоизга, қурилиш ишлари 253,9 млрд. сўмга, ўсиш суръати 105,1 фоизга, ҳудудий саноат маҳсулотлари ишлаб чиқариш 289,5 млрд. сўмга, ўсиш суръати 104,2 фоизга, чакана савдо айланмаси ҳажми 650,6 млрд. сўмга, ўсиш суръати 106,1 фоизга, хизматлар кўрсатиш 541,0 млрд. сўмга, ўсиш суръати 117,6 фоизга ўсиши кутилмоқда.

Оилавий тадбиркорлик аҳоли бандлигини, уларнинг доимий даромад манбаига эга бўлишини таъминлашнинг асосий йўналишларидан биридир. Якунланаётган йилда туманимиз бўйича ушбу мақсадда оилавий тадбиркорликни ривожлантириш дастури доирасида ажратилган имтиёзли кредитлар учун ажратилган лимит 88,9 млрд. сўм қилиб белгиланган эди. Бугунги кунгача эса 3 477 нафар фуқарога 72,2 млрд. сўм имтиёзли кредитлар ажратилди.

Амалга оширилган ишлар туманимиз тараққиётига муҳим ҳисса бўлиб қўшилади ва аҳоли турмуши сифати ошишига, уларнинг ўз ҳаётидан рози бўлиб яшашига хизмат қилади.

Рашид САЛАЕВ,

туман ҳокимининг биринчи  ўринбосари.