IQTISODIY OʻSISh TARAQQIYoTGA ELTADI

Tumanimiz iqtisodiy taraqqiyotini taʼminlash maqsadida belgilangan ustuvor maqsad va rejalarning amalga oshirilishi  natijasida barcha sohalarda salmoqli yutuqlar qoʻlga kiritildi. Joriy yilning oʻtgan toʻqqiz oyi yakunlariga koʻra, sanoat mahsulotlarini ishlab chiqarish 431,5 mlrd. soʻmni tashkil etib, oʻsish surʼati 104,8 foizga, tuman aholisi jon boshiga 2 093,6 ming soʻmga, xalq isteʼmol mollari ishlab chiqarish hajmi 168,1 mlrd. soʻmni tashkil etib, oʻsish surʼati 142,7 foizga, tuman aholisi jon boshiga esa 816,0 ming soʻmga, qishloq xoʻjaligi mahsulotlari yetishtirish 1 trln. 560,2 mlrd. soʻmni tashkil etib, oʻsish surʼati 101,1 foizga, tuman aholisi jon boshiga 7 570,3 ming soʻmga, investitsiyalar hajmi 413,6 mlrd. soʻmni tashkil etib, oʻsish surʼati 160,8 foizga yetdi. Qurilish ishlari 225,8 mlrd. soʻmga, oʻsish surʼati 119,7 foizga va tuman aholisi jon boshiga 1 095,9 ming soʻmga yetdi.

Hududiy sanoat mahsulotlari 210,6 mlrd. soʻmni tashkil etib, oʻsish surʼati 108,1 foizga, tuman aholisi jon boshiga 1 021,9 ming soʻmga, chakana savdo aylanmasi hajmi 534,1 mlrd. soʻmni tashkil etib, oʻsish surʼati 108,4 foizga yetkazildi. Xizmatlar 379,1 mlrd. soʻmni, oʻsish surʼati 115,4 foizni tashkil etib, tuman aholisi jon boshiga 1 839,8 ming soʻmdan toʻgʻri keldi.

Joriy yil oxirigacha sanoat mahsulotlarini ishlab chiqarish 570,4 mlrd. soʻmni tashkil etib, oʻsish surʼati 105 foizga, xalq isteʼmol mollari ishlab chiqarish hajmi 224 mlrd soʻmga, oʻsish surʼati 105,9 foizga, qishloq xoʻjaligi mahsulotlari yetishtirish 2 trln. 433,1 mlrd. soʻmga, oʻsish surʼati 103,3 foizga, investitsiyalar hajmi 506,6 mlrd. soʻmga, oʻsish surʼati 103,4 foizga, qurilish ishlari 253,9 mlrd. soʻmga, oʻsish surʼati 105,1 foizga, hududiy sanoat mahsulotlari ishlab chiqarish 289,5 mlrd. soʻmga, oʻsish surʼati 104,2 foizga, chakana savdo aylanmasi hajmi 650,6 mlrd. soʻmga, oʻsish surʼati 106,1 foizga, xizmatlar koʻrsatish 541,0 mlrd. soʻmga, oʻsish surʼati 117,6 foizga oʻsishi kutilmoqda.

Oilaviy tadbirkorlik aholi bandligini, ularning doimiy daromad manbaiga ega boʻlishini taʼminlashning asosiy yoʻnalishlaridan biridir. Yakunlanayotgan yilda tumanimiz boʻyicha ushbu maqsadda oilaviy tadbirkorlikni rivojlantirish dasturi doirasida ajratilgan imtiyozli kreditlar uchun ajratilgan limit 88,9 mlrd. soʻm qilib belgilangan edi. Bugungi kungacha esa 3 477 nafar fuqaroga 72,2 mlrd. soʻm imtiyozli kreditlar ajratildi.

Amalga oshirilgan ishlar tumanimiz taraqqiyotiga muhim hissa boʻlib qoʻshiladi va aholi turmushi sifati oshishiga, ularning oʻz hayotidan rozi boʻlib yashashiga xizmat qiladi.

Rashid SALAYeV,

tuman hokimining birinchi  oʻrinbosari.