ИШСИЗ АЁЛ ТАДБИРКОРГА АЙЛАНДИ
Маҳаллаларда ҳоким ёрдамчилари, хотин-қизлар фаоллари самарали фаолият юритишмоқда. Туманимизнинг Ойбек номли маҳалласида истиқомат қилувчи Умида Болтабоева маҳалладаги ҳоким ёрдамчиси Маҳмуд Сапарбоев ҳамда хотин-қизлар фаоли Наргиза Холбоеванинг кўмаги билан 33 млн.сўм миқдорда имтиёзли кредит олиб, нон, қандолатчилик маҳсулотлари ва бошқа хилдаги пишириқлар пиширишга мўлжалланган ускуналарни харид қилди.
Бугунги кунда у цех очиб, “Умида пишириқлари” номи остида элимизнинг яхши кунлари учун нон ва патирлар, пишириқлар тайёрламоқда. Унинг цехида тайёрланган маҳсулотларни тадбиркорлар улгуржи нархларда харид қилишади.
Умида Болтабоева бир кунда 700-800 минг сўмдан 1 млн. сўмгача даромад олади.
Олдин “Аёллар дафтари”да турувчи, ишсиз бўлган Умида Болтабоева ҳеч иккиланмасдан ўзининг тадбиркорлик фаолиятини йўлга қўйди.
- Илгари тадбиркор бўлиш жуда қийин бўлса керак деб ўйлардим. Халқимизда “Кўз-қўрқоқ, қўл-ботир” деган нақл бежизга айтилмаган экан. Хайриятки, ҳоким ёрдамчимиз ва хотин-қизлар фаолимизнинг бевосита кўмаги, оёққа туриб кетгунимча мендан доимий равишда хабар олиб туришлари орқали ишларим юришиб кетди, - дейди у.
Бугунги кунда Умида 3 нафар маҳалладошини ҳам иш билан таъминлаб, даромад топишларига кўмаклашмоқда.
Ёш бўлишига қарамасдан интилувчан ва меҳнаткаш Умиданинг бундан кейинги иш фаолиятига омад тилаймиз!
Ф.ЭШИМБЕТОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
