ҲАР ЕРНИ ҚИЛМА ОРЗУ
Халқимизнинг "Она юртинг омон бўлса, рангу-рўйинг сомон бўлмас”,- "Она юртинг – олтин бешигинг”, "Ўзга юртда шоҳ бўлгунча, ўз юртингда гадо бўл”, деган ниҳоятда чуқур маъноли мақоллари ҳар бир фуқарони ўз юртини севишга, ардоқлашга, тинчлиги-осойишталиги учун курашишга чорлайди.
Ҳа, киндик қонимиз томган, кўз очиб кўрганимиз шу муқаддас маскан – бизнинг иккинчи онамиз, Ватанимиз. Уни қадрламоқ, босган ҳар қадамимизда она заминимизнинг тафтини ҳис қилиб яшамоқ бизнинг фарзандлик бурчимиз.
Кейинги йилларда тирикчилик, деган баҳона билан ўзга юртларга отланаётган, бирон касбни пухта ўрганмай, хорижда мўмай пул топмоқчи бўлаётган ёшлар афсуски кўпайиб бораяпти. Энди бир ўйлаб кўрайлик: касб-ҳунарининг тайини йўқ, борар манзили ноаниқ, хорижий тилларни яхши билмайдиган, ўша давлат меҳнат қонунчилигидан бехабар ўспирин одам савдоси қурбонига айланиб қолмаслигига ким кафолат бера олади? Унга хорижда яхши иш, даромад таклиф этаётган таниши унинг кучидан фойдаланишни кўзламаса, чақирармиди? Жисмоний зўриқиб ишлаш эвазига озгина маош олиб, соғлигидан айрилиб келаётганлар озми?
Ҳар ерни қилма орзу, ҳамма ерда ҳам бор тош-тарозу, дейишади. Чиндан-да ишлайман, даромад топиб бой бўламан, деган одамга ўз юртимизда яратилган шароитлар ҳеч бир мамлакатда йўқ. Буни эсимиздан чиқармаслигимиз керак.
Олияхон АҲМЕДОВА, Амударё
академик лицейи ўқувчиси.
(Фото - http://darakchi.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
