ИЖТИМОИЙ ҲИМОЯГА МУҲТОЖ АҲОЛИ ВАКИЛЛАРИ ИШТИРОКИДА САЙЁР ҚАБУЛ ЎТКАЗИЛДИ
Маълумки, давлатимиз раҳбари Ш.М.Мирзиёевнинг 2023 йил 28 сентябрдаги “Аҳолига ижтимоий ёрдамлар ва хизматлар кўрсатиш тизимини янада такомиллаштириш тўғрисида”ги Қарорига кўра, юртимизда инсон манфаатлари устуворлигига қаратилаётган юксак эътиборнинг ёрқин намунаси сифатида Ўзбекистон Республикаси Президенти ҳузурида Ижтимоий ҳимоя Миллий агентлиги ва унинг ҳудудлардаги бошқармалари ҳамда ҳудудий “Инсон” ижтимоий хизматлар Марказлари фаолияти йўлга қўйилди.
Мазкур Қарор билан Марказлар томонидан оғир аҳволга тушиб қолган ва оғир аҳволга тушиб қолиш хавфи юқори бўлган шахслар ва оилаларга бевосита маҳалла даражасида комплекс ёндашув асосида профессионал хизматлар кўрсатиш вазифаси юклатилган эди. Шунингдек, ижтимоий ҳимояга муҳтож аҳолининг эҳтиёжлари ва мавжуд имкониятларини баҳолаш орқали уларга индивидуал тартибда ижтимоий хизматлар кўрсатиш режаларини ишлаб чиқиш ҳамда ушбу режаларга мувофиқ муаммоларни маҳаллалар кесимида ҳал этиш бўйича манзилли саъй-ҳаракатларни амалга ошириш юзасидан зарур кўрсатмалар ҳам тақдим этилганди.
Айни пайтда мазкур агентликнинг ҳудудий бошқармалари масъуллари ва етакчи мутахассислари томонидан бевосита жойларга чиққан ҳолда ижтимоий ҳимояга муҳтож аҳоли вакиллари иштирокида сайёр қабуллар ташкил этилиб, уларнинг ҳаётига доир шахсий муаммоларини ўрганиш орқали ижтимоий хизматлар кўрсатилмоқда.
Ана шундай сайёр қабуллардан бири жорий йилнинг 18 февраль куни Ўзбекистон Маҳаллалар уюшмасининг Амударё туман бўлими биносида ҳам ўтказилди. Ўзбекистон Республикаси Президенти ҳузуридаги Ижтимоий ҳимоя Миллий агентлигининг Ижтимоий ҳимоя инспекцияси Қорақалпоғистон Республикаси бошқармаси бошлиғи Зияубай Каленов раҳбарлигида Амударё тумани “Инсон” ижтимоий хизматлар маркази билан ҳамкорликда ташкил этилган сайёр қабулда мазкур марказ бошлиғи Ғуломжон Дуйсенбоев, туманнинг Қиличбой, Тош ёп овуллари, шунингдек, Арнабўйи, Намуна, Навоий ва Ойбек номли, Дурунки, Бой овул, Янгиобод, Хизр эли, Бўстон маҳаллаларида истиқомат қилувчи аҳоли вакиллари қатнашди.
Сайёр қабул давомида жами 18 нафар ижтимоий ҳимояга муҳтож фуқаролардан мурожаатлар келиб тушди. Мурожаатларнинг 4таси болалар нафақасини тайинлаш, 2таси ногиронлик аравачалари олиб беришда кўмаклашиш, 1таси ногиронликни белгилаш, 4таси даволаниш бўйича дори-дармон воситалари олиш, шунингдек, 1таси васийликка расмийлаштириш, қолганлари вояга етмаганларнинг яшаш манзилини белгилаш, туғилганлик ҳақидаги гувоҳномани расмийлаштириш ҳамда “ёлғиз кекса” реестрига киритиш бўйича мурожаатлар бўлиб, аксарият фуқароларнинг мурожаатлари сайёр қабул жараёнида, жойида ижобий ҳал қилинди.
Шунингдек, бир нечта мурожаатлар тегишли ташкилотлар аралашуви талаб этилиши боис мазкур мурожаатлар эгаларига зарур ҳуқуқий тушунчалар ва маълумотлар берилди. Қолган мурожаатлар эса тегишлилиги бўйича қатъий назоратга олинди.
Сайёр қабул жараёнида иштирокчилар масъулларга ўзларини қизиқтирган саволлар билан мурожаат қилдилар. Уларнинг барча саволларига ташкилотчилар томонидан батафсил жавоблар ва ҳуқуқий маслаҳатлар тақдим этилди.
Бевосита маҳаллаларга чиққан ҳолда, “Инсон” ижтимоий хизматлар маркази мутахассислари ва ижтимоий ходимлар, кам таъминланган, ногиронлиги бўлган фуқаролар иштирокида ўтказилаётган бу каби сайёр қабул қабуллар мамлакатимизда аҳолига ижтимоий хизматлар ва ёрдамлар кўрсатиш тизими тобора такомиллашиб бораётганининг ёрқин ифодасидир
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
