Байрам муносабати билан спорт мусобақалари ташкил этилди
8-март – Халқаро хотин-қизлар куни аёл-қизларга ҳурмат бажо келтириш ва уларнинг жамиятдаги беқиёс ўрнини эътироф этиш учун муҳим сана ҳисобланади. Бу кун муносабати билан турли тадбирлар ўтказилиб, байрамона кайфият улашилади. Айниқса, спорт мусобақалари аёл-қизлар ўртасида дўстлик ва жамоавий ҳамжиҳатликни мустаҳкамлаш, соғлом турмуш тарзини тарғиб этишда муҳим ўрин тутади.
Шу мақсадда, 6-7 март кунлари Амударё туман ихтисослаштирилган мактабида аёл педагоглар ва таълим соҳаси ходимлари ўртасида спорт мусобақалари ташкил этилди. Беллашувлар шахмат, шашка, стол тенниси, нишонга отиш ва волейбол каби спорт турлари бўйича ўтказилди.
Шахмат баҳсларида иштирокчилар стратегик фикрлаш ва пухта ўйланган юришлар орқали ғалаба қозонишга интилишди. Шашка мусобақасида тезкор тафаккур муҳим роль ўйнаган бўлса, стол теннисининг жадал ўйинлари иштирокчиларнинг эпчиллиги ва тезкорлигини синовдан ўтказди. Нишонга отишда диққат, барқарорлик ва аниқ мўлжал олиш маҳоратлари синовдан ўтди. Волейбол эса энг шиддатли кечган мусобақалардан бири бўлиб, жамоалар ғалаба учун астойдил кураш олиб борди.
Мусобақалар якунида ғолиблар аниқланиб, Таълим ва фан ходимлари касаба уюшмаси Амударё туман бўлинмаси томонидан фахрий ёрлиқ ва эсдалик совғалари билан тақдирланди. Баҳслар жараёнида иштирокчилар ўзаро тажриба алмашиб, янги дўстлар орттиришди.
Бу каби тадбирлар спортни оммалаштириш, соғлом турмуш тарзини шакллантириш ва жамоавий бирдамликни мустаҳкамлашга хизмат қилади. Байрам кайфиятини улашган мусобақалар иштирокчиларда унутилмас таассурот қолдирди ва уларнинг келгуси ютуқлари учун куч-ғайрат бағишлади.
Барча азиз аёлларни яна бир бор 8-март – Халқаро хотин-қизлар куни билан муборакбод этамиз!
У.Абдурахманов, Таълим ва фан ходимлари касаба уюшмаси Амударё туман бўлинмаси кенгаши раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
