Ёшларни диний экстремизм ва таваккалчилик ўйинларидан ҳимоя қилиш мавзусида тадбир ташкил этилди
Ёшларнинг диний экстремистик оқимлар таъсирига тушиб қолиши, шунингдек, таваккалчиликка асосланган ўйинларга мойиллиги жамият учун жиддий хавф туғдиради. Шу сабабли таълим муассасалари ва жамоатчилик томонидан бу борада тарғибот-ташвиқот ишлари кучайтирилмоқда.
Шу кунларда туманимиздаги мактабларда мазкур мавзуга оид тарғибот тадбирлари ўтказилмоқда. Хусусан, яқинда 15-сонли мактабда ёшларни турли зарарли таъсирлардан ҳимоя қилишга бағишланган учрашув ташкил этилди. Тадбирда ҳуқуқни муҳофаза қилувчи органлари ходимлари, мактаб директори Ж.Артиқов, Қиличбой ОФЙ раиси У.Жуманов, ёшлар етакчиси Ж.Атамуратов, ўқитувчилар ҳамда юқори синф ўқувчилари иштирок этди.
Мактаб директори Ж.Артиқов йиғилишни очиб, ёшларни диний экстремизм ва таваккалчилик ўйинларининг салбий оқибатларидан ҳимоя қилиш бугунги куннинг долзарб масалаларидан бири эканлигини таъкидлади.
Ҳуқуқни муҳофаза қилувчи органлари ходими ўз нутқида ёшларнинг маънавий меросимизни асраб-авайлаши, ёд ғояларга қарши иммунитет шакллантириш зарурлиги ҳақида сўз юритди. У диний экстремистик оқимларнинг ёшлар орасида қандай тарқалиши ва уларнинг фикрлаш тарзига қандай таъсир ўтказиши мумкинлиги ҳақида мисоллар келтириб, бундай оқимлардан ҳимоя чораларини тушунтирди. Шу билан бирга, ота-оналар, таълим муассасалари ва жамиятнинг ҳар бир аъзоси ёшларнинг маънавий камолотига бефарқ бўлмаслиги лозимлигини таъкидлади.
Шунингдек, масъуллар таваккалчилик ўйинларининг ёшлар онгига салбий таъсири ҳақида батафсил маълумот берди. Бундай ўйинлар ёшларни нафақат молиявий йўқотишларга, балки руҳий тушкунликка олиб келиши, ижтимоий ҳаётдан узоқлаштириши ва психологик муаммоларни келтириб чиқариши мумкинлиги таъкидланди. Шунингдек, бундай ўйинларнинг олдини олиш учун ёшларнинг билим ва маҳоратини ривожлантириш, уларни фойдали машғулотларга жалб қилиш зарурлиги қайд этилди.
Тадбир давомида иштирокчилар ёшларни зарарли оқимлар ва таваккалчилик ўйинларидан ҳимоя қилиш бўйича бир қатор таклифларни илгари сурдилар. Жумладан, мактабларда мунтазам равишда маърифий ва тарбиявий тадбирлар ўтказиш, ўқувчиларга диний ва ҳуқуқий саводхонлик бўйича чуқурроқ билим бериш, зарарли ўйинларга мойилликнинг олдини олиш учун жамоатчилик назоратини кучайтириш ҳамда маҳалла ва оила билан ҳамкорликда профилактик ишларни олиб бориш зарурлиги қайд этилди.
Учрашув якунида ёшларни диний экстремизм ва таваккалчилик ўйинларидан ҳимоя қилиш борасида таълим муассасалари, ота-оналар ва ҳуқуқни муҳофаза қилиш органлари ўзаро ҳамкорликни янада мустаҳкамлашлари лозимлиги алоҳида таъкидланди. Ёшларнинг маънавий тарбиясига жиддий эътибор қаратиш уларнинг келажагини барқарор ва тараққий этган жамият фуқароси сифатида шаклланишига хизмат қилади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
