Қорақалпоғистон қишлоқ хўжалиги ва агротехнологиялар институтида “Заковат – ректор кубоги” интеллектуал ўйини бўлиб ўтди
Президентимиз ташаббуси билан амалга оширилаётган “Долзарб 90 кун” лойиҳаси доирасида Қорақалпоғистон қишлоқ хўжалиги ва агротехнологиялар институтида талабаларнинг билим ва интеллектуал салоҳиятини намоён этишга қаратилган “Заковат – ректор кубоги” интеллектуал ўйини ташкил этилди.
Беллашув ёшларда мантиқий ва эркин фикрлаш кўникмаларини ривожлантириш, шунингдек, дўстлик ва ҳамжиҳатлик муҳитини мустаҳкамлаши билан муҳим аҳамият касб этди. Интеллектуал ўйинда институтнинг 12 та жамоаси фаол иштирок этди.
Талабалар турли фанлар, тарихий воқеалар, маънавият ва замонавий билимлар асосида тайёрланган саволларга жавоб бериш орқали ўз билими ва тафаккур салоҳиятини намоён этдилар. Беллашув давомида иштирокчилар нафақат зеҳниятни ишга солиш, балки жамоавий ишлаш, тезкор фикр юритиш ва оқилона қарор қабул қилиш кўникмаларини ҳам мустаҳкамладилар.
Мусобақа якунларига кўра, “Лидерлар” жамоаси 1-ўринга муносиб деб топилди, “Интеллект” жамоаси 2-ўрин билан тақдирланди, “Олимп” жамоаси эса 3-ўринни қўлга киритди.
Ғолибларни тақдирлаш маросимида институт ректори Б.Жоллибеков сўзга чиқиб, барча иштирокчиларга миннатдорлик билдирди ва ғолиб жамоаларни самимий табриклаб, уларга келгуси таълим ва ҳаёт йўлида муваффақиятлар тилади.
Ушбу беллашув ёшлар ўртасида интеллектуал ўйинларга қизиқишни ошириш ва бўш вақтини мазмунли ташкил этишга хизмат қилди.
Таъкидлаш жоизки, “Долзарб 90 кун” лойиҳаси доирасида амалга оширилаётган бундай ташаббуслар талабаларнинг дунёқарашини кенгайтириш ва ёш авлоднинг ижтимоий фаоллигини юксалтиришда муҳим ўрин тутаяпти.
Шоҳзод Қурбонбоев тайёрлади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
