"Устозлар миллий форуми" доирасида шуъба семинарлари ўтказилди
19 август куни Амударё туманида Ўзбекистон Республикаси Мактабгача ва мактаб таълими вазирлиги ташаббуси билан ташкил этилган анъанавий тўртинчи "Устозлар миллий форуми" "Маҳоратли ўқитувчи – миллат таянчи" шиори остида ўз ишини бошлади. Таълим сифатини ошириш ва соҳага инновацион ёндашувларни жорий этишдек эзгу мақсадларни ўзида мужассам этган ушбу нуфузли анжуман мамлакатимизнинг барча ҳудудларида бўлгани каби, Амударё туманида ҳам юқори савияда ташкил этилди.
Қайд этиш жоизки, мамлакатимизда сўнгги йилларда таълим тизимини тубдан ислоҳ қилиш, ўқитувчиларнинг касбий маҳоратини юксалтириш ва улар учун муносиб шарт-шароитлар яратишга давлат сиёсати даражасида эътибор қаратилмоқда. Бу жараёнда педагогларни мунтазам равишда соҳадаги янгиликлардан хабардор қилиш, уларга энг илғор методикаларни ўргатиш ва ўзаро тажриба алмашиш имкониятини яратиш муҳим аҳамиятга эга. Ҳар йили янги ўқув йили арафасида ўтказиладиган "Устозлар миллий форуми" ана шундай тизимли ишларнинг ёрқин намунасидир.
Тўртинчи бора ўтказилаётган “Устозлар миллий форуми” Қорақалпоғистон Республикаси миқёсида 14 август куни, Нукус шаҳрида ўтказилиб, унда тумандан 14 та фан йўналиши ва мактабгача таълим йўналиши бўйича 33 нафар илғор педагоглар иштирок этган эди.
Форумнинг мантиқий давоми сифатида тумандаги 1-сонли умумий ўрта таълим мактаби ва 4- ҳамда 5-сонли мактабгача таълим ташкилотларида фан йўналишлари бўйича шуъба семинарлари бўлиб ўтди. Шуъба семинарларида 14 та фан йўналишлари бўйича 85 та умумтаълим мактабларидан ўз фанининг етук билимдонлари бўлган 1177 нафар илғор ўқитувчилар ҳамда 53 та мактабгача таълим ташкилотидан 53 нафар моҳир педагоглар иштирок этишиб, 2025-2026 ўқув йилида ўқитувчи ва тарбиячилар олдига қўйилган мақсад ва вазифалар, ўз фан йўналишлари бўйича сўнгги янгиликлар бўйича билим ва кўникмаларга эга бўлишди. Шунингдек, янги ўқув режалари, дастурлар, янги авлод дарсликлари ва замонавий баҳолаш тизимининг мазмун-моҳияти ҳам атрофлича муҳокама қилинди.
Шуъба семинарларида тренер-ўқитувчилар томонидан ўқув жараёнига татбиқ этиладиган илғор методикалар бўйича маҳорат дарслари ўтказилди. Иштирокчилар ўзларини қизиқтирган саволларга мутахассислардан батафсил жавоб олиш имкониятига эга бўлдилар. Форумнинг ушбу босқичи нафақат назарий билимлар бериш, балки амалий кўникмаларни шакллантириш, ўқитувчилар ўртасида жонли мулоқот ва фикр алмашиш учун самарали майдон вазифасини ўтади. Эндиликда, семинарларда олинган билим ва кўникмалар 25-30 август кунлари мактаблардаги услуб бирлашма ва педагогик кенгаш йиғилишларида барча педагоглар иштирокида кенг муҳокама қилиниши режалаштирилган.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
