Қорақалпоғистон қишлоқ хўжалиги ва агротехнологиялар институтида медиа-тур ташкил этилди
19 сентябрь куни Қорақалпоғистон қишлоқ хўжалиги ва агротехнологиялар институти Матбуот хизмати ташаббуси билан республика ва маҳаллий оммавий ахборот воситалари вакиллари учун медиа-тур ташкил этилди. Тадбирнинг асосий мақсади – мазкур олийгоҳга янги қабул қилинган талаба-ёшларни институт фаолияти билан яқиндан таништириш ва факультетлар фаолияти ҳақида батафсил маълумот беришдан иборат бўлди.
Медиа-турни институт ректори Бердияр Жоллибеков очиб берди. У ўз нутқида иштирокчиларга институтнинг бугунги кундаги фаолияти, мавжуд имкониятлари, илмий салоҳияти ва халқаро майдондаги ўрни ҳақида атрофлича маълумот тақдим этди.
Ректорнинг таъкидлашича, институт нафақат миллий, балки халқаро миқёсда ҳам етакчи таълим муассасаларидан бирига айланиш йўлида дадил қадам ташламоқда. Медия-тур давомида оммавий ахборот воситалари вакиллари ҳамда 1-курс талабалари эътиборига Япониялик талабаларнинг институт талабалари билан биргаликда олиб борилаётган илмий-тадқиқот ишлари тақдим этилди. Бундан ташқари, халқаро ҳамкорлик алоқаларини янада кенгайтириш мақсадида олиб борилаётган ишларнинг натижалари билан таништирилди.
Айтиш жоизки, олий таълим муассасаларининг халқаро ҳамкорлиги глобал таълим маконида муҳим аҳамият касб этади. Бу ҳамкорлик талабалар ва профессор-ўқитувчилар учун тажриба алмашиш, илғор технологияларни ўрганиш ва халқаро стандартларга мос келадиган билимларни эгаллаш имкониятини яратади. Шунингдек, у илмий-тадқиқот салоҳиятини оширишга ҳамда инновацион лойиҳаларни амалга оширишга хизмат қилади, бу эса мамлакатнинг илмий-технологик тараққиёти учун мустаҳкам пойдевор яратади.
Медиа-тур доирасида журналистлар учун институт бўйлаб саёҳат ташкил этилди. Унда меҳмонлар замонавий илмий лабораториялар, иссиқхоналар фаолияти, у ердаги илмий-тадқиқот ишлари ҳамда талабаларга яратилган шарт-шароитлар билан яқиндан танишдилар.
Институтдаги илмий лабораториялар замонавий ускуналар билан жиҳозланган бўлиб, талабалар ва ёш олимларга амалий кўникмаларни эгаллаш, илмий тажрибалар ўтказиш ва янги ғояларни синаб кўриш учун кенг имкониятлар яратади. Иссиқхоналар эса қишлоқ хўжалиги соҳасидаги инновацион ечимларни, янги навларни синаш ва экологик тоза маҳсулот етиштириш бўйича тадқиқотлар олиб бориш учун хизмат қилади. Бу шароитлар талабаларнинг назарий билимларини амалиётда мустаҳкамлашга ва келажакда малакали мутахассис бўлиб етишишларига замин яратади.
Қолаверса, олийгоҳга янги қабул қилинган талаба-ёшларни институт фаолияти билан яқиндан таништириш ва факультетлар фаолияти ҳақида батафсил маълумот бериш ҳам уларнинг янги муҳитга тезроқ мослашиши, ўқув жараёни ва келажакдаги касбий фаолияти ҳақида аниқ тасаввурга эга бўлиши учун муҳимдир. Бундай тадбирлар талабаларнинг мотивациясини оширади, уларга ўз йўналишларини тўғри танлашга ёрдам беради ва келажакка бўлган ишончини мустаҳкамлайди.
Тадбир якунида ОАВ вакиллари бундай очиқ мулоқотлар нафақат институт ҳаётини кенг ёритиш, балки таълим тизимидаги ютуқ ва муаммоларни жамиятга етказишда ҳам муҳим аҳамият касб этишини таъкидладилар. Зеро, шаффофлик ва очиқлик таълим сифатини оширишнинг асосий омилларидан биридир.
Тадбир давомида бу йил талабалик бахтига муяссар бўлган ёшлар ҳам ўз таассуротлари билан ўртоқлашиб, бундай тадбирлар уларни ўқиш жараёнида янада руҳлантириши, мавжуд имкониятлар билан яқиндан танишишларида катта аҳамиятга эга эканини алоҳида қайд этдилар.
Бу каби тадбирлар ёшларни илм олишга рағбатлантириш, уларга замонавий таълим шароитларини яратиш ва халқаро ҳамкорлик орқали жаҳон андозаларига мос мутахассисларни тайёрлашда муҳим аҳамият касб этади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
