ЭНДОКРИНОЛОГИК КАСАЛЛИКЛАР ВА УНИНГ ОЛДИНИ ОЛИШГА БАҒИШЛАНГАН СЕМИНАР-ТРЕНИНГ ЎТКАЗИЛДИ
Мамлакатимизда аҳолига эндокринологик ёрдам кўрсатишни такомиллаштиришга қаратилган миллий дастурга мувофиқ, махсус эндокринологик ёрдам кўрсатиш тизимини жаҳон андозалари даражасида такомиллаштириш, шунингдек, аҳоли ўртасида қандли диабет касаллиги тарқалишининг олдини олишга доир чора-тадбирларни кучайтириш мақсадида Соғлиқни сақлаш вазирлиги томонидан қатор йўналишлар бўйича тизимли ишлар олиб борилмоқда.
Хусусан, эндокринологик касалликлар профилактикаси ва уларни эрта босқичда аниқлашга оид чора-тадбирларни такомиллаштириш, шунингдек, бундай касалликларни эрта босқичда аниқлаш учун ҳудудларда скрининг дастурлари жорий этилиб, соҳа мутахассислари томонидан сайёр семинар-тренинглар, малака ошириш машғулотлари олиб борилмоқда.
Бугунги кунда тиббиёт соҳасининг бошқа йўналишларидан фарқли ўлароқ эндокринологик касалликларнинг жадал ривожланиб бораётгани туфайли мазкур касалликнинг олдини олиш, беморни ўз вақтида даволаш, аҳолининг тиббий маданиятини ошириш, касалликка чалинган беморларга яқиндан ёрдам бериш, соҳа мутахассисларининг билим ва малакаларини изчил ошириб боришни тақоза этмоқда. Бу борада "Умид" хайрия жамоатчилик бирлашмасининг Қорақалпоғистон Республикаси ҳудудий бўлими томонидан Қорақалпоғистон Республикаси Соғлиқни сақлаш вазирлиги билан ҳамкорликда амалга оширилаётган профилактик тарғибот-ташвиқот тадбирлари ўзининг ижобий самарасини бермоқда.
Жорий йилнинг 24 октябрь санасида Амударё туман Тиббиёт бирлашмасининг эндокринология йўналиши бўйича мутахассис шифокорлари, тор доирадаги шифокорлар, тиббий ҳамширалар иштирокида "Қорақалпоғистон Республикасининг Оролбўйи ҳудудида яшовчи 1-тур қандли диабет касаллигига чалинган болалар ва ўсмирларнинг саломатлигини яхшилаш" дастури доирасида семинар-тренинг ташкиллаштирилди.
Семинар-тренингда эндокринология соҳасидаги янгиликлар, касалликнинг олдини олиш ва беморларни даволаш бўйича соҳага жорий этилаётган инновацион ғоялар хусусида тажрибали мутахассислар томонидан батафсил маълумотлар берилди. Шунингдек, семинар-тренингда аҳолининг замонавий, юқори самарали диагностика ва даволаш усулларидан фойдаланиш имконини яхшилаш, касалликни даволашда юқори самарадорликка эришиш, шифохоналар эндокринология бўлимларининг зарур дори воситалари ва реагентлар билан таъминланиш даражасини яхшилаш ҳамда аҳоли ўртасида қандли диабет касаллиги профилактикаси юзасидан огоҳлантирувчи тадбирлар ўтказишнинг аҳамияти бўйича зарур тушунча ва тавсиялар тақдим этилди.
Семинар-тренинг давомида Қорақалпоғистон Республикаси Соғлиқни сақлаш вазирлиги мутахассислари томонидан эндокринолог-шифокорлар ва мазкур йўналиш бўйича фаолият олиб борувчи тиббий ҳамшираларга 1-турдаги қандли диабет касаллигига чалинган болалар ва ўсмирларни муқобил инсулинлар, инсулиндан фойдаланиш қурилмалари ҳамда ўзини-ўзи назорат қилиш воситалари билан таъминлаш, овқатланиш маданиятига риоя қилишга одатланишларига кўмаклашиш бўйича зарур тавсиялар берилди.
Мазкур семинар-тренинг орқали эндокринолог-шифокорлар ҳамда мазкур йўналиш бўйича фаолият олиб борувчи тиббий ҳамширалар ўз билим ва малакаларини ошириш имконига эга бўлдилар. Шу билан бирга қандли диабет касаллигининг 1-тури билан касалланган болалар ва ўсмирларнинг ота-оналарига касаллик профилактикаси ҳамда бемор болаларни даволашда юқори самарадорликка эришишда керакли тавсиялар берилди.
РОБИЯ ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
