ЎЗБЕКИСТОН КАСАБА УЮШМАЛАРИ ҲАРАКАТИНИНГ 120 ЙИЛЛИГИ КЕНГ НИШОНЛАНДИ
Ўзбекистон Касаба уюшмалари ҳаракатининг 120 йиллиги ва 11 ноябрь — “Касаба уюшмалари куни муносабати билан 2025 йил 11 ноябрь куни Амударё тумани Маданият бўлимининг мажлислар залида тантанали байрам тадбири бўлиб ўтди.
“Ўзбекистон Касаба уюшмалари 120 йил халқ билан” шиори остида ўтказилган тадбирда туман Мактабгача ва мактаб таълими бўлими бошлиғи Ялғашбой Шамуратов, Таълим ва фан ходимлари касаба уюшмаси туман бўлинмаси Кенгаши раиси Улуғбек Абдураҳманов, Агросаноат ходимлари касаба уюшмаси туман Кенгаши раиси Ж. Қурбониязов, Давлат ва жамоат муассасалари ходимлари касаба уюшмаси туман Кенгаши раиси Д. Ражабов ҳамда тумандаги давлат ва жамоат ташкилотлари раҳбарлари, бошланғич касаба уюшмалари ташкилотлари раислари иштирок қилдилар.
Тадбирда Таълим ва фан ходимлари касаба уюшмаси туман бўлинмаси Кенгаши раиси Улуғбек Абдураҳманов сўзга чиқиб, Ўзбекистон Касаба уюшмаларининг буюк ва халқпарвар сиёсати ҳамда унинг тарихи, жамият ҳаётида тутган ўрни, ишчи-ходимлар манфаатларини ҳимоя қилишдаги масъулияти ва инсон қадри устувор бўлган Янги Ўзбекистон тараққиётида ушбу тизимнинг аҳамияти ҳақида батафсил маъруза қилди.
Байрам тадбирида сўзга чиққан Амударё туман Мактабгача ва мактаб таълим бўлими бошлиғи Ялғашбой Шамуратов ва бошқалар мамлакатимизда касаба уюшмаларининг 120 йиллик тарихи давомида давлат ва жамоат ташкилотларида эришилган ютуқлар, мазкур ютуқлар учун кенг йўл очган касаба уюшмаларининг беқиёс халқпарвар сиёсати, ходимларнинг ҳуқуқий, ижтимоий ва иқтисодий манфаатларини ҳимоя қилишдаги ғамхўрликлари хусусида атрофлича тўхталиб ўтдилар.
Шунингдек, сўзга чиққанлар касаба уюшмаларининг ишчи-хизматчиларни эл-юрт фаровонлиги, мамлакатимиз тараққиёти йўлида бирлаштириб, ҳар бир меҳнат жамоасида ҳамжиҳатлик, ўзаро меҳр-оқибат туйғулари устуворлигини таъминлашдаги аҳамиятини алоҳида таъкидладилар ҳамда барча касаба уюшма ташкилотлари аъзоларини, меҳнат жамоаларини 11 ноябрь — Ўзбекистон Касаба уюшмалари куни байрами билан самимий табрикладилар.
Ҳақиқатан ҳам, касаба уюшмалари ҳар бир ишчи ходимнинг энг ишончли ғамхўри, ҳуқуқ ва эркинликларининг ҳимоячиси, мамлакатимизнинг миллатлараро тотувлик ва бағрикенглик, дўстлик ҳамда тинчлик сиёсатининг яловбардори сифатидаги миссиясини шараф билан адо этиб келмоқда. Айниқса, халқимиз учун энг оғир кечган ХХ аср талотўплари, қатағон йиллари синовлари, Иккинчи жаҳон уруши ва турғунлик йилларидаги мислсиз қийинчиликларни енгиб ўтишда касаба уюшмалари жафокаш халқимиз учун тоғдай суянч бўлди. Бу ҳақда тадбирда иштирок этган касаба уюшма фаоллари тўлқинланиб сўз юритдилар.
Байрам тадбири давомида касаба уюшма фаоллари ва ўзларининг фидойи меҳнатлари билан эл-юрт ҳурматига сазовор бўлган турли соҳалар ходимларидан бир гуруҳига эсдалик совғалари ва ташаккурномалар топширилди. Тадбирда Амударё тумани Маданият бўлими санъаткорлари томонидан тайёрланган концерт дастури намойиш этилди ва байрамона концерт дастури барчага хушкайфият бағишлади.
Робия ЙЎЛДОШЕВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
