Халқ депутатлари Амударё туман Кенгашининг ўн олтинчи сессияси тўғрисида АХБОРОТ

2016 йил 2 март куни халқ депутатлари Амударё туман Кенгашининг ўн олтинчи сессияси ўтказилди. 

Сессияга халқ депутатлари Амударё туман Кенгаши Регламентининг 16-моддасига мувофиқ туман ҳокими топшириғига биноан Р.Рўзметов раислик қилди.

Сессияга туман Кенгаши депутатлари, ҳоким ўринбосарлари, ҳокимлик масъул ходимлари, ҳуқуқ-тартибот органлари, жамоат ташкилотлари, ҳокимлик бўлимлари, тижорат банклари бошқарувчилари, таъминотчи ва хизмат кўрсатувчи ташкилотлар, муқобил машина-трактор парклари раҳбарлари, овул ва улар таркибидаги маҳалла фуқаролар йиғинлари раислари, фермер хўжаликлари раҳбарлари ҳамда оммавий ахборот воситалари вакиллари таклиф қилинди.

Шунингдек, сессия ишида Қорақалпоғистон Республикаси Вазирлар Кенгаши раиси Б.Янгибоев ва Қорақалпоғистон Республикаси прокурори И.Полвановлар иштирок қилдилар.

Сессия котиблигига 18-Хитой сайлов округидан депутат Г.Бобожанов сайланди.

Сессия кун тартибига "2016 йил ҳосили учун экилган ғалла майдонларида олиб борилиши лозим бўлган агротехник тадбирлар, шунингдек "қолоқ” фермер хўжаликлари билан бирма-бир ишлашиш тизимини йўлга қўйиш, мавжуд камчиликларни бартараф қилиш ҳамда  чигит экиш мавсумига пухта тайёргарлик кўриш тўғрисида”ги масала киритилди.

Сессия аввалида депутатлар, фермерлар Кенгаши ва соҳа мутахассислари билан биргаликда туманда 2016 йил ҳосили учун экилган ғалла майдонларининг аҳволи, мавжуд камчиликлар ҳамда чигит экиш мавсумига тайёргарлик кўриш ишларининг бориши бўйича тайёрланган видео лавҳа намойиш қилинди.

Сўнгра, кун тартибидаги масала бўйича туман ҳокимининг ўринбосари, туман қишлоқ ва сув хўжалиги бўлими бошлиғи А.Юлдашев, туман прокурори Ф.Алламберганов ва туман ички ишлар бўлими бошлиғи А.Оринбаевлар сўзга чиқишиб, тегишли ҳудудларда 2016 йил ҳосили учун экилган ғалла майдонларида олиб борилиши лозим бўлган агротехник тадбирлар, шунингдек "қолоқ” фермер хўжаликлари билан бирма-бир ишлашиш тизимини йўлга қўйиш, мавжуд камчиликларни бартараф қилиш ҳамда  чигит экиш мавсумига пухта тайёргарлик кўриш бўйича амалга оширилаётган ишлар тўғрисида ҳисобот бердилар.

Кун тартибидаги масала юзасидан Қорақалпоғистон Республикаси Вазирлар Кенгаши Раиси Б.Янгибоев, Қорақалпоғистон Республикаси прокурори И.Полванов ва туман фермерлар Кенгаши раиси О.Қурбониёзовлар сўзга чиқишиб, шу кунларда қишлоқ хўжалигида амалга оширилиши лозим бўлган масалалар хусусида тўхталиб ўтдилар. Кун тартибига киритилган масала бўйича тегишли қарор қабул қилинди ва шунинг билан сессия ўз ишини якунлади.

Туман ҳокимлигининг ахборот хизмати.