"Обод турмуш йили" янгиликлари
Манғит-Назархон ирригация тизими бошқармасида сув хўжалиги соҳасига илғор технологияларни жорий этиш, истеъмолчиларни сув билан узлуксиз ва ўз вақтида таъминлаш бўйича кўплаб амалий ишлар қилинмоқда. Туманимиз ҳудудини сув билан таъминлаш, сувдан фойдаланишни назорат қилиш Амударёнинг чап қирғоғидаги Шихжамол, Қиличбой, Тош ёп, Манғит, Қипчоқ бўлимлари, Амударёнинг ўнг қирғоғидаги Назархан, Бердах бўлимлари томонидан амалга оширилади. Туманимиздаги 39600 гектар суғориладиган ер майдонларини сув билан таъминлашда бошқарманинг 195 нафар ишчи-ходимларининг хизматлари катта бўлмоқда. Бугунги кунда бошқарма ҳисобидаги 289,9 км узунликдаги хўжаликлараро каналлар, 30 та гидротехник иншоотлар, 319 та гидропостлар, 298 та сув чиқариш нуқталари, 10 та экскаваторлар ва 5 та бульдозерлар имкониятларидан самарали фойдаланилмоқда.
Бунёдкорлик йўлида
«Амударё қурилиш материаллари» масъулияти чекланган жамияти туманимиздаги йирик саноат корхоналари жумласига киради. Ҳозирда жамоада 50 нафардан ортиқ киши меҳнат қилади. Айни пайтда корхонада ишлаб чиқарилаётган 5х20, 20х40 фракцияли шағаллар ва тоғ қуми туманимиздаги ва Хоразм вилоятининг қурилиш ташкилотларига етказиб берилмоқда. Шуниси қувончлики, харидорларнинг бирортаси ҳам шу пайтгача маҳсулотлар сифатидан нолиган эмас.
Пахтакорлар учун масъулиятли мавсум
Холимбег овулидаги «Бектемир Жуматов» фермер хўжалигида 2013 йил ҳосили учун экилган ғўза ниҳолларини суғориш масаласига бағишланган кўргазмали семинар ўтказилди. Унда Вазирлар Маҳкамасидан Республикамизга бириктирилган вакил Шухрат Тешаев, Қорақалпоғистон Республикаси Вазирлар Кенгаши раиси Баҳодир Янгибоев, Республика Қишлоқ ва сув хўжалиги вазири Собир Хўжаметов, туманимиз ҳокими Ражаббой Йўлдошев ва қишлоқ хўжалиги соҳаси вакиллари қатшашдилар.
Жорий йилги суғориш ишларини уюшқоқлик билан ўтказиш мақсадида ҳар 5 гектарга бир нафардан жами 3200 нафардан ортиқ фермер хўжаликлари сувчилари, ирригация тармоқлари бошқармаси ходимларидан иборат сувчилар пахта майдонларни суғориш учун масъул сифатида бириктирилди. Далаларни шарбат усулида суғориш учун 5 мингдан ортиқ чуқурчалар қазилади. Шарбат усулида суғориш учун ҳар бир гектар пахта майдонига 5 тоннадан маҳаллий гўнг чиқариш ишлари нихоясига етказилмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
