МАҚСАДИМИЗ – ХАЛҚИМИЗГА ХИЗМАТ ҚИЛИШ
Яқин ўтмишда қолоқ ва аграр республика бўлган, иқтисодиётининг асосини фақат пахта хомашёсини етиштириш ва қайта ишлаш корхоналари ташкил этган Ўзбекистонимизда истиқлол йилларида барча соҳаларда улкан юксалишларга эришилди. Умуман янги соҳа – кичик бизнес ва хусусий тадбиркорликка кенг йўл очилиб, айни кунда ишлаб чиқарилаётган ялпи ички маҳсулотнинг 60 фоиздан зиёди шу тармоқ ҳиссасига тўғри келаяпти. Мамлакатимиздаги жами иш билан банд аҳолининг 80 фоизга яқини айнан шу соҳада меҳнат қилишмоқда. Тадбиркорлар жамиятимизнинг таянчига, суянчига айланишмоқда. Хотин-қизларга доимий эътибор берилиб, уларнинг жамият ҳаётидаги фаоллигини оширишга, ўз иқтидорларини тўла рўёбга чиқаришларига шарт-шароитлар яратилди.
Шу боисдан мен ҳам 2004 йилда туманимиз аҳолисига транспорт хизмати кўрсатувчи "Гўзалой Маҳмуд қизи” масъулияти чекланган жамиятини тузиб, фаолиятимни бошлаган эдим. Имтиёзли кредитлар эвазига йўловчи ташишга мўлжалланган автобуслар сотиб олдик ва белгиланган йўналишлар бўйича хизмат кўрсата бошладик.
Давр билан ҳамнафас бўлиб, ўз корхонамда хизмат кўрсатиш сифатини яхшилаш, мижозлар учун яхши шароитлар яратиш мақсадида 2010 йилда Манғит шаҳрининг буюм бозори ёнида янги, замонавий услубда хусусий автошоҳбекат қурдик.
Шунингдек, автошоҳбекат ёнида йўловчилар учун кутиш жойи, автомашиналарга техник хизмат кўрсатиш шохобчаси ҳамда салқин ичимликлар билан савдо қилувчи дўкон ҳам халқимизга хизмат кўрсатмоқда.
Айни кунда ҳам иккита автобусимиз, микроавтобусларимиз халқимизга намунали транспорт хизмати кўрсатмоқда.
Тадбиркорларнинг ўз бизнесини ривожлантиришлари, фаолиятини кенгайтиришлари учун яратилаётган имкониятлар туфайли жорий йилда кредит ҳисобига яна беш дона "Газель” русумли йўловчи ташишга мўлжалланган машина сотиб олдик ва хизмат кўрсатишни бошлади. Яна 12 та енгил машина олиш арафасидамиз.
Юртдошларимиз дастурхони тўкин бўлишига ҳисса қўшиш мақсадида 5 гектарерда боғ яратиб, бу йил илк ҳосилини давлатимизга топширдик.
Бизга бундай имкониятлар мамлакатимиз мустақиллиги туфайли яратилди. Ҳар гал туманимизнинг, республикамизнинг турли ҳудудларига йўл олаётган автомашиналаримиздаги йўловчиларнинг нигоҳидаги миннатдорчиликни кўрганимда ўз фаолиятимдан мамнун бўлиб кетаман.
Мақсадимиз халқимизга намунали хизмат қилишдир. Бизни бугунгидай дориломон ва фаровон кунларга етказган мустақиллигимизнинг 25 йиллиги билан туманимизнинг барча халқини қизғин табриклайман. Доимо сафари бехатар бўлишини тилаб қоламан.
Гулбаҳор ҚУРБОНБЕКОВА,
"Гўзалой Маҳмуд қизи” МЧЖ раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
