САЙЛОВГА ТАЙЁРГАРЛИК МАСАЛАЛАРИГА БАҒИШЛАНГАН СЕМИНАР-ТРЕНИНГ
Шу йилнинг 5 ноябрида туман ҳокимлигининг мажлислар хонасида Ўзбекистон Республикаси Президенти сайловини ўтказувчи участка сайлов комиссиялари фаолиятини самарали ташкил этишга бағишланган семинар-тренинг бўлиб ўтди.
Семинар-тренингни туман ҳокимлиги ташкилий-назорат гуруҳи раҳбари Б.Болтабоев бошқариб борди.
Семинар-тренингда Қорақалпоғистон Республикаси Адлия вазири, Ўзбекистон Республикаси Марказий сайлов комиссияси аъзоси Ж.Садиқов, Фуқаролик жамияти шаклланишини мониторинг қилиш мустақил институти Қорақалпоғистон Республикаси ҳудудий бўлинмаси катта мутахассиси Б.Елманов, Қорақалпоқ давлат университети доценти Б.Дауменов, 1-Қорақалпоғистон округ сайлов комиссияси аъзоси С.Жуманазаров, тумандаги Ўзбекистон Республикаси Президенти сайловини ўтказувчи участка сайлов комиссиялари раислари, раис ўринбосарлари, котиблари ва аъзолари, оммавий ахборот воситалари ходимлари иштирок этдилар.
Иштирокчилар "Ўзбекистон Республикаси Президенти сайловини ўтказиш бўйича сайлов комиссиялари фаолиятининг ҳуқуқий асослари тўғрисида”, "Сайловчилар рўйхатини тузишнинг ўзига хос хусусиятлари: миллий тажриба, муддатидан олдин овоз бериш жараёнида участка сайлов комиссияси аъзоларининг вазифалари”, "Сайлов куни участка сайлов комиссияси томонидан амалга оширилиши лозим бўлган вазифалар хусусида”ги маърузаларни тингладилар. Иштирокчилар саволларига жавоблар берилди. Очиқ мулоқот тарзида бўлиб ўтган семинар-тренингда кўрилган масалалар юзасидан қарорлар қабул қилинди.
(Ўз мухбиримиздан).
(Фото - http://www.publika.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
