СОFЛОМ ОНА ВА БОЛА – ЮРТИМИЗ БОЙЛИГИ
Ўзбекистон мустақилликка эришган илк кунларданоқ юртимизда она ва бола соғлигини муҳофаза этишга, соғлом бола туғилиши, жисмоний ва баркамол авлодни вояга етказишга устувор вазифа сифатида қаралмокда. Ҳукуматимиз томонидан кўрсатилаётган ана шундай эътибор ва ғамхўрликлар туфайли бугуннинг болалари соғлом, оналари бахтиёр яшашяпти. Бугунги келин-қизларнинг бахтини қарангки, улардан давлат миқёсида фақат ўзларига, саломатликларига эътиборли бўлиш талаб этилмоқда. Шу маънода, мамлакатимиз миқёсида ҳозирданоқ "Она ва бола соғлом бўлса, оила бахтли, оила бахтли бўлса, жамият мустаҳкам бўлади” деган ҳаётбахш қадрият ва олижаноб ғоя ҳар бир юртдошимизнинг қалбига чуқур кириб, мазкур ғоя остида оилани, оналик ва болаликни муҳофаза қилиш тизими янада такомиллаштирилмоқда.
Боланинг ҳар томонлама соғлом ва баркамол улғайишида онанинг ҳар жиҳатдан етук, комил бўлиши зарурлигини Юртбошимиз алоҳида таъкидлайдилар. Шунингдек, Биринчи Президентимиз И.А.Каримов фарзандларимизга оталарча ғамхўрлик билан қуйидаги сўзларни таъкидлаган эдилар: "Қиз болани коллежни битирмасдан, ҳунар эгалламасдан туриб, кимки турмушга бермоқчи бўлса, билиб қўйинглар, буни мен узоқни кўрмаслик, калтабинлик деб ҳисоблайман. Қиз бола, аввало касб эгалласин, ўз фикрига эга бўлсин, ҳаётни англасин. Шундан кейин у ҳаётда ўзининг муносиб ўрнини топади, жамиятимизнинг фаол аъзосига айланади, эртага у қурадиган оила ҳам мустаҳкам бўлади”.
Биз оилани ҳаёт давомийлигини таъминлайдиган, болалар тақдирига кучли таъсир ўтказадиган тарбия маскани деб биламиз. Катталарга ҳурмат, кичикларга иззат, одамийлик, меҳр-оқибат, ўз ватанига, халқига садоқатли бўлиш каби фазилатлар айнан оила муҳитида шаклланади. Аёлни қадрлаш, оғир ишлардан халос этиш, турли касалликлардан ҳимоя қилиш эр кишининг, қолаверса бутун жамиятнинг бурчидир. Оилада соғлом боланинг тарбия топишида маҳалланинг ҳам ўз ўрни ва аҳамияти бор.
Аёлга, онага бўлган бундай юксак эътибор – юрт, миллат келажагига эътибор десак арзийди. Ниятимиз ота-оналар, келин-қизлар ва фарзандларимиз ҳамиша соғ-саломат бўлишсин!
Д.ТУРДИБАЕВА,
Нукус шаҳридаги 1-сонли давлат нотариал
идораси котиби.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
