Бўшаган ўринларга Қорақалпоғистон Республикаси Жўқорғи Кенгеси депутатлигига номзодларни рўйхатга олиш тўғрисида

Қорақалпоғистон Республикаси Марказий сайлов комиссиясининг ҚАРОРИ

Бўшаган ўринларга Қорақалпоғистон

Республикаси Жўқорғи Кенгеси депутатлигига

номзодларни рўйхатга олиш тўғрисида

Қорақалпоғистон Республикаси Жўқорғи Кенгеси депутатлигига номзодларни рўйхатга олиш тўғрисида сиёсий партияларнинг Қорақалпоғистон Республикаси Кенгашлари томонидан тақдим қилинган ҳужжатларни кўриб чиқиб, Қорақалпоғистон Республикаси Марказий сайлов комиссияси ҚАРОР ҚИЛАДИ:

"Қорақалпоғистон Республикаси Жўқорғи Кенгесига сайлов тўғрисида”ги Қонуннинг 11-моддасига мувофиқ Қорақалпоғистон Республикаси Жўқорғи Кенгеси депутатлигига қуйидаги номзодлар рўйхатга олинсин:

Амударё тумани бўйича

34-сонли "Тўлқин” сайлов округи

1. Абдувалиев Абдурахман Абдулхаевич – 1956 йилда туғилган, партиясиз. "Ўзавтойўл” Давлат акциядорлик компанияси бошлиғи. ЎзЛиДеП Қорақалпоғистон Республикаси Кенгаши томонидан номзод қилиб кўрсатилган.

2. Палванов Илхом Бекманович – 1974 йилда туғилган, "Адолат” СДП аъзоси. Ўзбекистон "Адолат” СДП Амударё туман Кенгаши раиси. "Адолат” СДП Қорақалпоғистон Республикаси Кенгаши томонидан номзод қилиб кўрсатилган.

3. Юсупов Шухрат Бахромбаевич – 1983 йилда туғилган, ЎзМТДП аъзоси. Амударё тумани Маданият ва спорт ишлари бўлими бошлиғи. ЎзМТДП Қорақалпоғистон Республикаси Кенгаши томонидан номзод қилиб кўрсатилган.

4. Юсупов Шукурло Шамуратович – 1973 йилда  туғилган, ЎзХДП аъзоси. "Амударёдавсувмахсуспудрат” давлат унитар корхонаси директори. ЎзХДП Қорақалпоғистон Республикаси Кенгаши томонидан номзод қилиб кўрсатилган.

Қорақалпоғистон Республикаси Марказий сайлов комиссияси раиси:         

Е.Джуманазаров.

№41, 2017 йил 10 февраль.