ИНСОН ОМИЛИГА ЭЪТИБОР ТОБОРА ЮКСАЛМОҚДА
Мамлакатимизда "Соғлом она – соғлом бола” оналар ва болалар соғлигини муҳофаза қилиш миллий моделининг ҳаётга татбиқ этилиши аёллар соғломлик даражасининг ошишига, соғлом фарзандлар дунёга келиши ва баркамол инсонлар бўлиб вояга етишига замин яратди.
Биринчи Президентимиз И.Каримовнинг "2014-2018 йилларда Ўзбекистонда аҳолининг репродуктив саломатлигини янада мустаҳкамлаш, оналар, болалар ва ўсмирлар соғлигини муҳофаза қилиш борасидаги Давлат дастури тўғрисида”ги Қарорига мувофиқ республикада аҳолининг репродуктив саломатлигини янада мустаҳкамлаш, оналик ва болаликни муҳофаза қилиш соҳасида тиббий ёрдам кўрсатаётган тиббиёт муассасаларининг моддий техника базаси ва кадрлар салоҳияти кучайтирилди, замонавий ташҳис қўйиш ва даволаш жиҳозлари билан таъминланди, аёллар, болалар ва ўсмирлар касалликларининг олдини олиш ва даволашга йўналтирилган кенг кўламли ишлар амалга оширилмоқда.
Табиийки, бу саъй-ҳаракатлар ўзининг ижобий натижаларини бераяпти. Республикада аҳолининг умр кўриш даврийлиги йил сайин ошиб бораётганлиги ҳам фикримизга далил бўла олади. Агар туманимиз мисолида олиб қарайдиган бўлсак, 2015 йилнинг олти ойи давомида болалар ўлими 13 марта қайд этилган бўлса, 2016 йилнинг биринчи ярмида 11 марта, жорий йилнинг ўтган олти ойида эса 9 марта қайд этилди.
Шунингдек, ногирон болалар туғилишининг олди олинмоқда.
Айни кунда туманимизда 65952 нафар вояга етмаганларнинг 91 фоизи жорий йилнинг ўтган олти ойи давомида тиббий кўрикдан ўтказилди ва соғлигида муаммолар аниқланганлари тиббиёт муассасаларида соғломлаштирилди.
2017 йилнинг ўтган биринчи ярмида 1338 нафар никоҳланувчи шахслар никоҳолди тиббий кўригидан ўтказилди.
Президентимиз Ш.Мирзиёев жорий йилимизни "Халқ билан мулоқот ва инсон манфаатлари йили” дея атаб, шу муносабат билан қабул қилинган давлат Дастурида ҳам жамиятни ҳаракатга келтирувчи куч ҳисобланмиш инсон омилига эътибор, унинг соғлом яшаши, қулай шароитларда меҳнат қилиши ва турмушидан мамнун бўлишлари учун зарур барча чора-тадбирларни амалга ошириш кўзда тутилган.
Бу мамлакатимизда инсон қадр-қиммати тобора юксалаётганининг ифодасидир.
Санобар ХОЛБОЕВА, туман ФҲДЁ бўлими мудираси.
(Фото - http://toshkent.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
