ЯНГИ МАРКАЗ ИШ БОШЛАДИ
Ўзбекистон Республикаси Президентининг 2018 йил 2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги 5325 сонли Фармонида хотин-қизларнинг жамият ривожи йўлидаги фаоллигини қўллаб-қувватлаш, ўзлигини намоён эта олишига шароитлар яратиш орқали ижтимоий фаоллигини ошириш лозимлиги, шунингдек, ҳудудларда ёрдамга муҳтож бўлган, оғир ижтимоий вазиятга тушиб қолган хотин-қизларга манзилли ёрдам кўрсатиш чоралари белгиланган. Шунга мувофиқ Ўзбекистон Хотин-қизлар қўмитаси томонидан мамлакатимизнинг барча туманларида “Аёллар ижтимоий мослашув маслаҳат маркази” ташкил этилиши режалаштирилди.
Шу йилнинг 16 июнь куни режага мувофиқ туман ҳокимлиги биносига яқин, “Оила” илмий-амалий тадқиқот маркази ва Халқ қабулхонаси жойлашган бинода “Аёллар ижтимоий мослашув маслаҳат маркази”нинг очилиш маросими бўлиб ўтди.
Тадбирда Ўзбекистон Хотин-қизлар қўмитаси раиси ўринбосари Мукаррам Нурматова, Қорақалпоғистон Республикаси Вазирлар Кенгаши раиси ўринбосари, Хотин-қизлар қўмитаси раиси Зуҳра Ибрагимова, туман ҳокими Султонбой Йўлдашев, ҳокимлик масъул ходимлари, бир қатор ҳамкор ташкилотлар раҳбарлари, хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассислар, ҳожи оналар, “Қайноналар кенгаши” раислари иштирок этдилар ва марказнинг самарали фаолият юритиши учун ажратилган хоналардаги яратилган шароитлар, жиҳозланиши билан танишдилар.
Ташкил этилган ушбу марказнинг асосий вазифалари оғир ҳаётий вазиятга тушиб қолган аёлларни меъёрий ҳаётга қайтариш, уларга ва уларнинг фарзандларига ижтимоий-психологик, тиббий ва ҳуқуқий ёрдам кўрсатиш, эртанги кунга умид, ишонч билан қарашга мослаштиришдир. Жазони ижро этиш муассасаларидан қайтган ёки депортация бўлган, турли сабабларга кўра оиласи бағрига қайта олмаётган аёлларга ёрдам бериш, иш билан таъминлаш, соғлом ҳаётга қайтариш чораларини кўриш ҳам марказнинг асосий вазифаларидир.
Марказ самарали фаолият юритиши учун керакли мутахассислар жалб этилди.
Янги марказ ишга туширилиши юртимизда аёл-қизларга кўрсатилаётган ғамхўрликларнинг бир кўринишидир.
О. РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
