ФУҚАРОЛАРНИНГ МУРОЖААТЛАРИ МАҚОМИНИНГ ЎЗГАРИШИНИ СМС-ХАБАРНОМА ОРҚАЛИ ХАБАРДОР ҚИЛИШ
Ягона интерактив давлат хизматлари портали (Ягона портал) ишга тушганига яқинда тўрт ой бўлади. Ўтган вақт мобайнида Ягона портал яратувчилари фойдаланувчиларга янги хизматлар ва имкониятларни тақдим этмоқдалар. Мисол учун, мурожаатлар бўйича давлат органидан олинган жавобни баҳолаш ва жавобга изоҳ қолдириш, мурожаатни давлат органига юборишдан аввал бекор қилиш, мурожаатни электрон рақамли имзодан фойдаланган ҳолда юбориш, иш ҳақи ва меҳнат стажи тўғрисидаги маълумотномани электрон равишда олиш ва бошқалар шулар жумласидандир.
Ҳозирги кунда Ягона порталдаги энг талабгир хизматлардан бири, бу – фуқароларнинг давлат органларига мурожаатларни юбориш хизмати ҳисобланади. Ягона порталдан олинган статистик маълумотларга кўра бугунги кунда Ягона портал орқали фуқаролар томонидан давлат органларига юборилган мурожаатлар сони 2 мингтага етиб қолди. Уларнинг 64 фоизи кўриб чиқилган бўлса, 36 фоизи эса кўриб чиқиш жараёнида.
Бугунги кунда республикамизда мобиль алоқанинг шиддат билан ривожланаётганлигини ҳисобга олган ҳолда мобиль алоқа мижозларига янги хизматларни тақдим этиш долзарб вазифа ҳисобланади. Шу боис, Ягона портал яратувчилари фуқароларга яна бир қулайлик яратиш мақсадида давлат органларига мурожаатларни юборишда мурожаатнинг юборилганлиги, уни қайта ишлашга қабул қилинганлиги ёки рад этилганлиги ва мурожаатга жавоб берилганда (ёпилганда) аризачига унинг мобиль телефонига СМС-хабарномани юбориш хизматини ишлаб чиқдилар ва жорий этдилар.
Давлат органига Ягона портал орқали мурожаат юборилганда, фойдаланувчи ID-рақами ва мурожаат юборилган вақт кўрсатилган қуйидаги мазмундаги СМС-хабарномани олади: "Сизнинг мурожаатингиз давлат органига юборилди”. Давлат орган томонидан фуқаронинг мурожаати кўриб чиқиш учун қабул қилинганда, эса фуқаро "Сизнинг мурожаатингиз кўриб чиқиш учун қабул қилинди” мазмундаги СМС-хабарномасини олади. Давлат органи томонидан мурожаат билан ишлаш жараёни якунланганда, яъни мурожаат ёпилганда, фуқаро ишнинг натижасини акс эттирувчи қуйидаги мазмундаги СМС-хабарномасини олади: «Сизнинг мурожаатингизга жавоб берилди». Мурожаат давлат органи томонидан у ёки бу сабабларга асосан рад этилганда эса фойдаланувчи «Сизнинг мурожаатингиз рад этилди» мазмунида хабарнома олади.
Барча СМС-хабарномалар мурожаатнинг рўйхатга олинган ID - рақами ва СМС-хабарномаси юборилган вақт кўрсатилган ҳолда фуқаронинг Ягона порталдаги мурожаатига ҳавола билан бирга юборилади.
Ушбу хизмат фойдаланувчиларга Ягона
порталга кирмасдан туриб ўз мурожаатларининг мақомидан доимо хабардор бўлиб
туриш ва давлат органлари билан тезкор ва самарали ўзаро алоқадорликни ўрнатиш
имконини беради.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
