НОҚОНУНИЙ ФАОЛИЯТИ УЧУН

Ўзбекистон Республикаси Вазирлар Маҳкамасининг 2002 йил 28 ноябрь кунги 415-сонли «Ўзбекистон Республикаси Бош прокуратураси ҳузуридаги Солиққа оид жиноятларга қарши курашиш Департаменти фаолиятини такомиллаштириш чора-тадбирлари тўғрисида»ги Қарори, Ўзбекистон Республикаси Вазирлар Маҳкамасининг 2001 йил 6 июлдаги 291-сонли қарори билан илгари тасдиқланган функцияларига қўшимча равишда Департаментга ва унинг ҳудудий бўлинмаларига валютага оид жиноятларга қарши курашишни кучайтириш вазифалари юкланган.

Ушбу йўналиш бўйича Ўзбекистон Республикаси Бош прокуратураси ҳузуридаги солиқ, валютага оид жиноятларга ва жиноий даромадларни легаллаштиришга қарши курашиш Департаменти Қорақалпоғистон Республикаси Амударё тумани бўлими томонидан 2013 йил бошидан шу кунгача олиб борилган тадбирлар натижасида жами 3 ҳолатда ҳуқуқбузарлик аниқланиб, 1 ҳолатда жиноят иши қўзғатилди ва икки ҳолатда маъмурий ҳуқуқбузарлик аниқланди, жами бўлиб ҳуқуқбузарлардан 2899 АҚШ доллари, 4250 Россия рубли, 12500 Қозоғистон тенгеси ва 4 миллион 814 минг 400 Ўзбекистон сўми ашёвий далил сифатида олинди.

Жумладан, 2013 йил 4 апрель куни Ўзбекистон Республикаси Бош прокуратураси ҳузуридаги СВОЖЖДЛҚК Департаменти Қорақалпоғистон Республикаси Амударё туман бўлими томонидан ўтказилган тадбир давомида фуқаро М.Р. турмуш ўртоғи Ў.М. билан биргаликда ўзаро олдиндан жиноий тил бириктириб, чет эл валюталарини олиб сотиш билан ҳамда туман ҳудудида яшовчи фуқароларнинг пластик карточкадаги пулларини нақдлаштириш билан шуғулланиб юрган вақтида ушланган. Фуқаролар М.Р. ва турмуш ўртоғи Ў.М.лардан 1828 АҚШ доллари, 5500 Қозоғистон тенгеси, 3000 Россия рубли, 3.635.000 (уч миллион олти юз ўттиз беш минг) сўм, 136 дона пластик карточкалар вақтинча ашёвий далил сифатида олинган.

Шундай қилиб, фуқаро М.Р. ва турмуш ўртоғи Ў.М. қонунга хилоф равишда чет эл валюталарини ноқонуний муомалага киритиб юрганлиги учун ЎзР ЖКнинг тегишли моддалари билан жиноий жавобгарликка тортилди.

Х.УСМОНОВ,