ЮКСАК ҚАДР ТОПГАН МЕҲНАТ ЭЪТИРОФИ
Мен ўзимнинг 43 йиллик шифокорлик фаолиятим давомида инсонлар учун энг аввало омонлик, саломатлик зарур эканлигини доимо ҳис қилиб келаман.
Ҳа, инсон учун соғликдан улкан бойлик йўқ. Бироқ буни кўпчилик ана шу бебаҳо бойлигига путур етганида англайди.
Ҳар қандай касалликнинг, айниқса, юқумли касалликларнинг бартараф этилиши маълум муддатларни талаб этади. Шунинг учун ҳам баъзи беморларимиз бўлимимизга қабул қилинган куниданоқ “нега тузалмаяпман?” деб сўрай бошлашади. Баъзилари эса даволаниш муддатига амал қилмайди ва уйига бориб уч-тўрт кундан касали қайталаниб, қайтиб келади.
Мен 1975 йилда Ўрта Осиё Тиббиёт педиатрия институтини тугатиб, шифокорлик фаолиятимни бошлаган бўлсам, шу даврдан ҳозирги кунгача беморларни даволаш жараёнида уларга касалликдан сақланиш, соғлом яшаш сирларини тушунтириб келаман.
Туман марказий шифохонасининг мен раҳбарлик қилаётган юқумли касалликлар бўлими 30 ўринга мўлжалланган бўлиб, махсус қурилган янги бинода фаолият олиб бормоқда.
Бўлимимиз қаттиқ ва юмшоқ жиҳозлар, зарур асбоб-ускуналар билан таъминланган, каравотолди монитори, пульсаксометр, офтомаласкоп, ларингоскоп беморларга сифатли тиббий хизмат кўрсатилишига хизмат қилади.
Йилимизнинг ўтган 10 ойи мобайнида бўлимимизда икки ярим мингдан ортиқ беморлар даволаниб, соғликларини тиклаб, оиласига қайтдилар. Бу бизнинг имкониятимиздан деярли икки баравардан зиёдни ташкил этади. Шунинг ўзиёқ бўлимимиз тиббиёт ходимларининг ўз касбини қанчалик фидойилик билан адо этаётганини кўрсатади. Дилфуза Жуманиёзова, Муяссар Машарипова, Омонжон Иброҳимова, Роза Шукуруллаева, Дилшода Норимбетовалар каби ҳамшираларимизнинг хизматлари ҳар қанча таҳсинга лойиқ.
Мамлакатимизда халқимизнинг дардига дармон бўлаётган тиббиёт ходимларининг меҳнати юксак қадрланиб, ноябрь ойининг иккинчи якшанбаси Тиббиёт ходимлари куни дея белгилангани бизнинг меҳнатимизнинг эътирофи деб биламан ва барча касбдошларимни анъанавий байрам билан қутлайман.
Озод ҚУРБОНБОЕВ, туман Марказий шифохонаси
юқумли касалликлар бўлими мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
