Фуқаролик ишлари бўйича туман судида 2018 йилда 640 та фуқаролик ишлари кўриб чиқилди

Фуқаролик ишлари бўйича Амударё тумани суди томонидан 2018 йил давомида фуқароларнинг ҳуқуқ ва қонуний манфаатларини суд орқали химояланишини таъминлаш, ишларни қонунда белгиланган муддатларда сифатли кўриб чиқиш ва аҳоли ўртасида ҳуқуқий-тарғибот ишларини олиб бориш мунтазам амалга ошириб борилмоқда.

Фуқаролик ишлари бўйича туман судига ўтган  йил давомида фуқаролардан ариза, даъво ариза ва хат-хабарлар, жами 1715 та мурожаатлар келиб тушди. Ушбу мурожаатлар асосида 640 та фуқаролик ишлари кўрилди.

Якунланланган ишлардан 524 та иш бўйича ҳал қилув қарорлари чиқарилган бўлиб, шундан 479 та иш бўйича даъво аризалар қаноатлантирилди ва 45 та иш бўйича даъво аризалар рад этилди.

Жумладан, 116 та иш бўйича ажримлар чиқарилган бўлиб, 78 таси иш юритишдан тугатилди, 38 та ариза эса кўрмасдан қолдирилди.  Тартибга кўра жами 1991 аризалар бўйича суд буйруғи чиқарилди.

Кўриб чиқилган ишлардан 478  фуқаролик иш даъво тартибидаги ишлар, 162 фуқаролик иш алоҳида тартибда кўриладиган ишлар, яъни юридик аҳамиятга эга бўлган фактларни тасдиқлаш, фарзандликка олиш, фуқарони муомала лаёқатини йўқотган деб топишга оид ишлардир.

Фуқаролик  ишлари бўйича тумани суди томонидан аҳоли ўртасида  жами 28 маротаба учрашувлар ўтказилиб, уларда 1092 фуқаро иштирок этди. Ундан  ташқари,  2954  ижро ҳужжатлари мажбурий ижро бюроларига ижро учун юборилди. Йил  давомида Фуқаролик ишлари бўйича туман суди томонидан 257 та, яъни 40,2 фоиз фуқаролик ишлари сайёр суд мажлисларида кўриб чиқилди.

Суд органлари тизимида одил судловни таъминлаш борасидаги белгиланган вазифаларни бажариш, бугунги кунда мамлакатимиздаги соҳада олиб борилаётган ислоҳотларни изчил амалга ошириб, адолат ўрнатиш биз соҳа ходимларининг устувор вазифамиз ҳисобланади.

Е. Утениязов,

Фуқаролик ишлари бўйича

Амударё туман суди раиси.