Соғлом бола йили янгиликлари
Янги услубий қўлланма нашр қилинди
Ўзбек тили ва адабиёти фанини чуқур ўрганишни ўз олдига мақсад қилиб қўйган одам энг аввало ўзбек тили грамматикасини яхши билиши зарур. Туманимиздаги 40-сонли умумтаълим мактабининг она тили ва адабиёти фани ўқитувчиси Ҳулкарой Хўжаниёзованинг 2013 йилда "Билим" нашриётида чоп этилган "Диктантлар тўплами" ҳам ана шу мақсадга хизмат қилишга мўлжалланган.
Мазкур тўплам ўқитувчиларнинг ўзбек тили грамматикасининг бой имкониятларидан унумли фойдаланган ҳолда дарс ўтишларида ҳақиқий услубий қўлланма ҳисобланади. Қўлланмада ўқувчиларнинг ёзма ва оғзаки нутқларидаги имловий хатоларни бартараф этиш усуллари, 5-ва 9-синфлар учун оғзаки ва ёзма нутқни ривожлантиришга мўлжалланган диктантлар мавзулари, кириш сўз ва кириш бирикмаларда тиниш белгилари ҳамда ун-далмаларда вергулларнинг ишлатилишига оид муаллифнинг услубий тажрибалари ўз аксини топган.
Саломатлик мавзуида семинар-кенгаш
Ўзбекистон Республикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган "Аҳолининг экологик ва тиббий маданиятини янада яхшилашда, аҳоли орасида, айниқса ёшларга соғлом турмуш тарзини тарғиб қилишда ОАВларнинг ролини ошириш" лойиҳаси доирасида Амударё хизмат кўрсатиш ва сервис касб-ҳунар коллежида"Соғлом турмуш тарзи - саломатлик гарови" мавзуида семинар-кенгаш ўтказилди. "Тараққиёт кўзгуси" газетаси, Туман тиббиёт бирлашмаси ҳузуридаги "Саломатлик маркази" ҳамда туман ДСЭНМ шифокорлари билан ҳамкорликда ўтказилган мазкур тадбирда коллежнинг юқори босқич ўқувчи ёшлари ҳамда ўқитувчилари иштирок этдилар.
Бағрикенглик ва инсонпарварлик ифодаси
Истиқлол йилларида фуқароларнинг ижтимоий-сиёсий, маданий ҳуқуқ ва эркинликлари тўлиқтаъминланишига эришилмоқда. Айниқса, жиноят қонунчилигининг изчил равишда либераллаштирилаётганлиги мамлакатимизда моҳиятан инсонпарварлик ва бағрикенглик тамойилларининг устуворлигидан далолатдир.
Президентимиз тақдимномасига биноан 2013 йилнинг 12 декабрида Олий Мажлис Сенати томонидан қабул қилинган "Ўзбекистон Республикаси Конституцияси қабул қилинганининг 21 йиллигимуносабати билан Амнистия тўғрисида"ги Қарор ҳам нафақат демократик жамиятнинг устувор тамойилларини, балки бағрикенглик, мурувват ва инсонпарварлик каби олий фазилатлар моҳиятини ўзида мужассам этган. Ушбу Қарорга мувофиқ туман жиноят ишлари бўйича суди томонидан 2014 йилнинг 12 январигача 61 та иш бўйича 95 нафар фуқарога нисбатан Амнистия акти қўлланилди. Шулардан 16 нафари аёллар, 79 нафари эркаклар бўлиб, уларнинг 6 нафарини вояга етмаган ёшлар, 1 нафар шахс эса чет давлат фуқароси ҳисобланади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
