Коррупцияга қарши курашиш – давр талаби
Кейинги йилларда давлатимиз раҳбари томонидан жамиятда коррупцияга нисбатан муросасиз муносабатни шакллантиришга қаратилган, аҳолининг ҳуқуқий онги ва ҳуқуқий маданиятини юксалтириш бўйича бир қанча Фармон ва қарорлар қабул қилинди. Шунингдек, коррупцияга нисбатан муросасиз муносабатни шакллантириш борасида давлат органларининг нодавлат нотижорат ташкилотлари ва фуқаролик жамиятининг бошқа институтлари билан ижтимоий шериклиги самарадорлигини оширишга қаратилган чора-тадбирлар ҳам йўлга қўйилди.
Бу борадаги ислоҳотлар амалга ошириш доирасида фуқароларнинг ҳуқуқ ва манфаатлари ҳимоя қилинишини, давлат ҳокимияти ва бошқаруви органлари фаолияти очиқлигини, жамоат ва парламент назоратини таъминлаш механизмлари такомиллаштирилди. Ҳуқуқни муҳофаза қилиш ва суд органлари фаолиятининг ҳуқуқий асослари ислоҳ қилинди. Коррупцияга қарши курашиш соҳасида суд ҳокимиятининг мустақиллигини янада мустаҳкамлаш, судьяларга ҳар қандай тарзда қонунга хилоф равишда таъсир ўтказиш шарт-шароитларини истисно этиш давлат сиёсатининг устувор йўналишларидан бири ҳисобланади.
Президентимизнинг 2019 йил 27 майдаги “Коррупцияга қарши курашиш тизимини янада такомиллаштириш чора-тадбирлари” тўғрисидаги Фармонида давлат хизматчиларини танлов асосида саралаб олиш, лавозимга тайинлаш ва юқори лавозимларга кўтаришнинг шаффоф тартибига асосланган давлат хизмати тизимини шакллантириш белгилаб қўйилган. Ундан ташқари, улар учун чекловлар, тақиқлашлар, рағбатлантириш чоралари ҳамда коррупциянинг олдини олиш механизмларининг аниқ рўйхатини белгилаш кўзда тутилган.
Мазкур Фармон кенг жамоатчилик, ёшлар, шунингдек, нодавлат ташкилотлари ҳам ҳуқуқни муҳофаза қилувчи органлар билан биргаликда ушбу иллатга қарши курашда, ҳар бир соҳада коррупциянинг олдини олишда фаолликка чақиради. Хусусан, Фармонга асосан, 2019-2020 йилларда коррупцияга қарши курашиш давлат дастури тасдиқланди. Давлат ҳо¬кимия¬ти ва бошқаруви органлари, жамоат бирлашмалари ва бошқа ташкилотлар томонидан Идоралараро комиссия билан келишган ҳолда Давлат дастурининг ҳар бир банди бўйича мақсадларга эришишда самарадорлик индикаторларини ишлаб чиқиш белгилаб берилди.
Туман ҳудудида жойлашган ташкилот, корхона ва муассасаларида туман Адлия бўлими томонидан коррупцияга қарши курашиш бўйича тарғибот ва ташвиқот ишлари олиб борилмоқда.
А.А.Кутжанов,
туман Адлия бўлими
етакчи маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
