86-сонли сайлов участкасида семинар ўтказилди
Мамлакатимизда тобора яқинлашиб келаётган сайловларга қизғин тайёргарлик ишлари олиб борилмоқда. Сиёсий партиялар томонидан сайловолди тарғибот тадбирлари, семинарлар ташкил қилинмоқда. Сайлов комиссиялари томонидан семинарлар, давра суҳбатлари ўтказилиб, сайлов жараёнлари, юртимиздаги сайлов тизимидаги ўзгаришлар, ушбу муҳим сиёсий жараёнга тайёргарлик кўриш, сайлов ўтказиш тартиблари тўғрисида кенг тушунчалар берилмоқда. Шундай семинарлардан бири 22 ноябр куни туманимиздаги 82-сонли умумтаълим мактаби биносида жойлашган 86-сонли сайлов участкасида бўлиб ўтди.
Таъкидланганидек, бўлажак сайловлар мамлакатимизни ривожлантиришнинг бешта муҳим устувор йўналиши бўйича Ҳаракатлар стратегиясида ўз ифодасини топган илғор демократик ғояларнинг амалдаги яна бир ёрқин ифодаси бўлади. Жамиятимиз ҳаётидан кўппартиявийлик, фикрлар ранг-баранглиги, очиқлик ва ошкоралик, бағрикенглик тамойиллари тобора мустаҳкам ва кенг ўрин олмоқда. Сайлов тизимини янада такомиллашитириш юзасидан қилинаётган ишлар ушбу тамойилларнинг бош омили бўлиб хизмат қилмоқда.
86-сонли сайлов участкасида ташкил қилинган семинар 22 декабрь куни Олий Мажлис Қонунчилик палатаси, Қорақалпоғистон Pеспубликаси Жўқорғи Кенгеси ҳамда маҳаллий Кенгашларга бўлиб ўтадиган сайловларнинг демократик тамойиллар асосида юқори савияда ўтишини таъминлаш, фуқароларнинг сиёсий-ҳуқуқий маданиятини юксалтиришга қаратилди.
Семинарда туман ҳокими ўринбосари Алишер Йўлдошев, ҳоким ўринбосари хотин-қизлар қўмитаси раиси Марям Аҳмедова, Ўзбекистон Pеспубликаси Олий Мажлис қонунчилик палатасига сайлов ўтказувчи 4-Амударё округ сайлов комиссияси раиси Аширбой Қўшайев, туман ҳокимлиги ташкилий-назорат гуруҳи раҳбари Ғуломжон Дуйсенбаев, маҳалла раислари, округ ва участка сайлов комиссиялари раислари қатнашдилар.
Семинарда сайлов жараёнига тайёргарлик ҳолатлари, участка сайлов комиссияси жойлашган биноларнинг тайёрлиги, сайлов куни сайловчиларга яратиладиган шароитлар, комиссиянинг фаолиятлари ҳақида тушунчалар берилди. Қолаверса, семинар иштирокчилари юртимиздаги сайлов қонунчилигидаги ўзгаришлар, Сайлов кодекси ҳақида маълумотларга эга бўлдилар.
Айтиш жоизки, 86-сонли сайлов участкасида Олмазор маҳалласидаги 2 минг 150 нафар сайловчилар рўйхатга олинган бўлиб, бу ерда комиссия аъзолари ва сайловчилар учун барча шароитлар яратилган.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
