Бешовул маҳалласида жиноятчилик муҳокамасига бағишланган йиғилиш ўтказилди
Юртимизда фуқароларнинг тинч ва фаровон ҳаёт кечиришини таъминлаш, ҳуқуқбузарликларнинг барвақт олдини олиш, жиноятчиликка қарши курашиш борасида салмоқли ишлар амалга оширилмоқда. Давлат идоралари, маҳалла фаоллари ва бошқа жамоатчилик тузилмаларининг ушбу йўналишдаги фаолиятини бирлаштириш орқали ишлар таъсирчанлигини ошириш мақсадида ҳар ҳафтанинг пайшанба кунида ўтказиладиган ҳуқуқбузарликлар профилактикаси доирасидаги чора-тадбирлар ўз самарасини бермоқда.
Туманнинг чекка ҳудудида жойлашган Бешовул маҳалласида жиноятчиликнинг барвақт олдини олиш ва ҳуқуқбузарликка қарши курашишни кучайтириш мақсадида йиғилиш ўтказилди. Йиғилишда туман Ички ишлар бўлими ва маҳалла фуқаролар йиғини масъуллари, профилактика инспектори ва ҳудуд фаоллари иштирок этдилар.
Йиғилишда асосан тумандаги таълим муассасалари, овул ва маҳаллалар, маданий ҳордиқ чиқариш ва бошқа жамоат жойларида тарғибот-ташвиқот тадбирларининг мунтазам ўтказиб борилганлиги натижасида кўплаб оғир ва ўта оғир жиноятларни фош этишга эришилаётгани таъкидланди. Шунингдек, ҳар бир маҳаллани жиноятчиликдан холи ҳудудга айлантириш, бу борада бефарқлик, лоқайд¬лик ҳолатларига барҳам бериш жамиятда тинч ва осойишта ҳаётни таъминлашнинг асосий шартларидан эканлиги айтиб ўтилди.
Йиғилиш давомида маҳалла фуқароларидан бири бошқа туманда ўғирлик жиноятини содир қилганлиги, ашёвий далиллар билан қўлга тушганлиги, Ўзбекистон Республикаси Жиноят процессуал Кодексининг тегишли моддаларига кўра жиноий жавобгарликка тортилганлиги бўйича тафсилотларга кенг тўхталиб ўтилди. Шунингдек, бу шахснинг ўз қилган жиноятлари бўйича айбланувчи сифатида ишга жалб этилиб, қамоққа олиш тарзидаги эҳтиёт чораси қўлланилганлиги, айни пайтда мазкур жиноят иши бўйича тегишли тезкор тергов-суриштирув ҳаракатлари олиб борилаётганлиги ҳам айтилди.
Ундан ташқари, сўзга чиққан масъуллар жиноят ва ҳуқуқбузарлик содир этиш ҳолатларига барҳам беришда оилалардаги ижтимоий-маънавий муҳитни атрофлича ўрганиш, аниқланган муаммоларни жойида ҳал этиш, бу жараёнда сектор раҳбарлари, хотин-қизлар қўмитаси ҳамда жамоатчилик масъулиятини ошириш муҳим аҳамият касб этишини таъкидлашди.
Туман Ички ишлар бўлими, маҳалла фуқаролар йиғини масъуллари ва фаоллари иштирок этган йиғилишда барча саъй-ҳаракатларга қарамасдан, хуқуқбузарликлар профилактикаси бўйича камчиликлар мавжудлиги таъкидланди. Мазкур камчилик¬ларни бартараф этиш, жиноятчилик ва ҳуқуқбузарликларнинг олдини олишда давлат идоралари, маҳалла фаоллари ва жамоатчилик тузилмаларининг ҳамжиҳатлигини янада мустаҳкамлаш зарурлиги ҳақида фикр-мулоҳазалар билдирилди.
Орифжон Қосимов, ИИБ ХПБ катта инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
