Иқтисодий суд томонидан Амударё туманига доир 304 та иш кўрилди

Суд – фуқароларнинг ҳуқуқ ва эркинлигини ишончли ҳимоя қилувчи, жамиятда қонун устуворлигини ва адолатни таъминловчи, одил судловни амалга оширувчи мустақил ҳокимият органи ҳисобланади. Шу боис туман Иқтисодий суди томонидан ўтган йил мобайнида қонунчиликни мустаҳкамлаш, одил судловни амалга ошириш, тадбиркорлик субъектларининг қонуний манфаатларини ҳимоя қилиш мақсадида ишларни кўпроқ сайёр суд мажлисларида жамоатчиликни жалб қилган ҳолда ўтказишга алоҳида эътибор қаратилиб келинди.

Иқтисодий суд томонидан 2019 йил 12 ойи давомида жами кўрилган ишлар сони 1115 та, шундан туманга доир кўрилгани 304 тани ташкил қилди.

Шунингдек, суд томонидан даъвогарлар фойдасига 45,09 млрд. сўм миқдорида қарз ва неустойкаларни ундириш тўғрисида қарорлар қабул қилинди. Pеспублика бюджетига давлат божи ҳисобидан 1,03 млрд. сўм маблағ ундириш тўғрисида қарорлар қабул қилинган бўлса, шундан, туман бўйича 293,2 млн. сўмни ташкил қилди. Ихтиёрий тўланган давлат божи пул миқдори биринчи инстанцияда 50,6 млн. сўм, шундан туман бўйича 12,3 млн. сўм бўлди.

Солиқ ва бошқа мажбурий тўловлар бўйича қарзларини ўз вақтида тўламаган 628 хўжалик юритувчи субъектларнинг 31,3 млрд. сўмлик боқиманда қарзларини уларнинг мол-мулки ҳисобидан ундириш тўғрисида суд қарорлари қабул қилинди. Туман бўйича шундан 188 хўжалик юритувчи субъектларнинг 17,1 млрд. сўмлик боқиманда қарзлари ундирилди.

Шунингдек, кичик бизнес субъектлари ва якка тартибдаги тадбиркорлар иштирокида жами 6 та ишлар кўрилган бўлиб, улар фойдасига 130,2 млн. сўм ундириш тўғрисида қарорлар қабул қилинди. Деҳқон ва фермер хўжаликлар иштирокида жами 12 та иш кўрилди ва улар фойдасига 80,1 млн. сўм ундирилди.
Бундан ташқари, 67 субъект, шундан  туман бўйича 30 субъект «банкрот» деб топилди.

Иқтисодий суд томонидан ушбу даврда ишларни кўриш пайтида аниқланган қонунбузарлик ҳолатлари бўйича мансабдор шахсларга нисбатан Ўзбекистон Pеспубликаси Президентининг “Хўжалик юритувчи субъектларнинг иқтисодий ночорлиги ва шартнома мажбуриятларининг бажарилиши учун мансабдор шахсларнинг жавобгарлигини кучайтириш тўғрисида”ги 1938-сонли Фармонига асосан жами 13 суд таъсир чоралари қўлланилди.

Айни пайтда ҳам одил судловни амалга ошириш, судни «Адолат қўрғони»га айлантириш мақсадида аҳоли ўртасида тарғибот тадбирлари ўтказилиб борилмоқда. Фуқароларнинг муаммоларини ҳал қилишда яқиндан ёрдам бериш орқали бузилган ҳуқуқларини тиклаш бўйича тегишли чора-тадбирлар белгилаб олиниб, бу борадаги амалий ишлар давом эттирилмоқда.

Ўткир Собиров, туман Иқтисодий суди раиси.