ТУМАНДА ҚУРИЛИШ ИШЛАРИ ДАВОМ ЭТТИРИЛМОҚДА
Барчамизга маълумки, карантин чекловлари натижасида бутун мамлакатимизда барча соҳалар қаторида қурилиш соҳасидаги ишлар ҳам маълум даражада тўхтатилди. Аммо юртимиздаги эпидемиологик вазият тобора яхшиланиб бораётгани сабабли карантин қоидалари бироз юмшатилиб, белгиланган қоидаларга кўра айрим соҳалардаги ишларни давом эттиришга рухсат берилди. Шунга кўра туманимизда йирик қурилиш иншоотларидаги ишлар давом эттирилмоқда.
Туманимизда жорий йилда кўплаб қурилиш ишларини амалга ошириш режалаштирилган эди. Хусусан, Янгиобод ва Гулзор маҳаллаларининг ҳар бирида 5 та объектдан кўп қаватли уй-жойлар, Ўрта қалъа овулидаги Юсуф хўжа аҳоли пунктида ичимлик сув тармоқлари, Санитария-эпидемиология осойишталик маркази омбори, Қипчоқ овули ҳудудида 20-сонли мактабгача таълим муассасаси ва Тошёп овули ҳудудидаги 13-сонли мактабгача таълим муассасалари, шунингдек, 2019 йилдан бу йилга ўтган Гулзор маҳалласидаги намунавий уй-жойлар қурилишини давом эттириш режага киритилган.
Айни пайтда “Қурилиш хизмат” ва “Aмударё Махсус Қурилиш” масъулияти чекланган жамиятлари пудратчи ташкилотлари томонидан 2019 йилдан бу йилга ўтган Гулзор маҳалласидаги намунавий уй-жойлар қурилиши давом эттирилмоқда. Шунингдек, туман маҳаллий бюджети ҳисобидан ҳам янгидан бинолар барпо қилина бошлади ҳамда Олмазор маҳалласида янгидан Хотира майдони бунёд этилмоқда.
Туманимизни замонавий қиёфага келтириш, кўркига кўрк қўшиш ва аҳоли фаровон турмуш кечириши учун қулайлик яратиш мақсадидаги қурилиш-бунёдкорлик ишлари карантин даврида ҳам давом эттирилиши билан бирга ишчиларнинг хавфсизлиги таъминланишига алоҳида эътибор қаратилмоқда. Ишчилар санитария ва гигиена қоидаларига тўлиқ риоя қилиб, масофа сақлаган ҳолда жадал суръатларда қурилишни давом эттиришмоқда.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
