ЧЎМИЛИШ МАВСУМИДА АҲОЛИ МУҲОФАЗАСИГА БАҒИШЛАНГАН ТАДБИP ЎТКАЗИЛДИ
Ёз мавсумида кунларнинг исиб бориши, кишиларни беихтиёр сув ҳавзаларида дам олишга чорлайди. Aйнан шундай вақтларда сув-транспорт воситаларидан унумли фойдаланмаслик, чўмилишда хавфсизлик қоидаларига риоя этмаслик турли кўнгилсиз ҳолатларга сабаб бўлади. Кўпинча сувда сузишни билмаслик, сузиш тажрибасининг йўқлиги ва ўзининг жисмоний қобилиятини инобатга олмасдан сув қирғоғидан узоқлашиш ёхуд ўз тажрибасига ҳаддан зиёд ишониб тақиқланган сув ҳавзаларида чўмилиш чўкиш билан боғлиқ мудҳиш ҳолатларни келтириб чиқаради. Зеро, очиқ сув ҳавзаси доимо хавф-хатарга тўла.
Бугунги кунда чўмилиш билан боғлиқ фавқулодда вазиятларнинг олдини олиш борасида турли чора-тадбирлар олиб борилмоқда. Ўзбекистон Pеспубликаси Бош вазири томонидан тасдиқланган “Чўмилиш мавсуми давомида сув ҳавзаларида аҳоли хавфсизлигини таъминлаш” борасидаги 2015 йилга мўлжалланган тадбирлар режаси бу борадаги ислоҳотлар самарадорлигини оширишда муҳим дастуриламал бўлмоқда.
Шунингдек, Ўзбекистон Pеспубликаси Вазирлар Маҳкамасининг 2016 йил 20 майдаги “Ўзбекистон Pеспубликаси акваторияларида пляжларни жиҳозлаш ва улардан фойдаланиш, шунингдек, фуқароларнинг соғлиғини муҳофаза қилиш тартиби тўғрисида”ги низом билан пляж ва аҳолининг сувда оммавий дам олиши учун ажратиладиган жойлар учун алоҳида тартиб-қоидалар ҳамда қатор талаблар белгилаб берилди.
Юртимизда чўмилиш мавсуми яқинлашиб келаётган вақтда республика Фавқулодда Вазиятлар Вазирлиги ҳамда унинг жойлардаги бўлимлари аҳолининг сувда чўкиши билан боғлиқ бахтсиз ҳодисаларнинг олдини олиш бўйича қатор чора-тадбирларни амалга оширмоқда.
Қорақалпоғистон Pеспубликаси Вазирлар Кенгашининг 2020 йил 22 май кунги “2020 йил чўмилиш мавсуми мобайнида кўл, дарё ва каналлар акваториялари, ясама ҳавзалар ҳамда чўмилиш тақиқланган ҳудудларда одамларнинг ҳаёти ва соғлигини муҳофаза қилиш бўйича чора-тадбирлар” режасига асосан Амударё туманида 1 июнь куни Қорақалпоғистон Pеспубликаси Фавқулодда вазиятлар бошқармаси Фавқулодда вазиятлар давлат тизими ва Фуқаро муҳофазаси фаолиятини ташкил этиш бўлими томонидан тарғибот ҳамда тушунтириш тадбири ташкил қилинди.
Қорақалпоғистон Pеспубликаси Фавқулодда вазиятлар бошқармасида катта лейтенант Ибрагим Таджимов, катта сержант Самад Хожамурадовлар, туман ҳокимлиги мутахассиси Нодир Камолов, туман Фавқулодда вазиятлар бўлимидан подполковник Бегзод Нурмаматов, катта лейтенант Бекзод Тажибоевлар ушбу тадбирда иштирок этдилар. Тарғибот тадбири мобайнида мутасаддилар Қипчоқ шаҳарчаси ҳудудида дарё бўйларида сувда оммавий дам олишни тақиқловчи белгилар, тақиқланган жойда сувга чўмилиш бўйича жавобгарлик ҳамда сувга чўмилиш билан боғлиқ бахтсиз ҳодисалар тўғрисида аҳоли ўртасида тушунтириш ишларини олиб бордилар.
Шунингдек, тадбир давомида шундай ҳолатлар акс этган плакат, баннерлар ўрнатилди. Қолаверса, сувда дам олувчи фуқароларнинг хавфсизлигини таъминлаш мақсадида туман ҳудудидан оқиб ўтувчи Амударё дарёсининг бўйларида кичик ҳажмли кемалар, ўзи сузмайдиган кемалар ва эшкакли қайиқларни кўздан кечирилди. Қайиқ эгаларига ва фуқароларга тушунтириш ишлари олиб борилиб, йўриқномалар ҳамда эслатмалар тарқатилди.
Чарос Арслонова, туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
