Шоир даҳосига эҳтиром
2013 йилнинг 27 декабрь куни Ўзбекистон Республикаси Президенти И.А.Каримовнинг "Ўзбекистон халқ шоири Муҳаммад Юсуф таваллудининг 60 йиллигини нишонлаш тўғрисида”ги қарори қабул қилинди. Шу муносабат билан бутун мамлакатимиз бўйлаб шоир хотирасига бағишланган адабий-илмий анжуманлар, мусиқий тадбирлар ўтказилмоқда. Шоирини севган, шоирини соғинган халқ миллатнинг улуғ, ватанпарвар ўғлига чуқур эҳтиром кўрсатиб, бир неча ойдан бери шоирнинг ёди билан яшамоқда.
Туманимизда ҳам Муҳаммад Юсуф ижодини ўрганиш, унинг ўлмас шеъриятини ёшлар орасида кенг тарғиб қилиш мақсадида барча ўқув муассасаларида, маҳаллалар ва меҳнат жамоаларида шоир хотирасига бағишланган давра суҳбатлари, адабий-мусиқий тадбирлар ўтказилди. Туман маданият ва спорт ишлари бўлими томонидан махсус тайёрланган ана шундай адабий-мусиқий тадбирлардан бири яқинда 3-сонли Амударё академик лицейида ҳам бўлиб ўтди. Мусиқий тадбирни иқтидорли сухандон ва режиссёр Ойбек Бегимов маҳорат билан олиб борди.
Ушбу театрлаштирилган мусиқий тадбирда туманимизда яшаб, ижод этаётган бир гуруҳ ижодкорлар ҳам иштирок этишиб, ўзларининг М.Юсуф хотирасига бағишланган шеърларидан ўқиб бердилар. Қорақалпоғистонда хизмат кўрсатган журналист, М.Юсуфнинг шогирди ва дўстларидан бири Робия Йўлдошеванинг хотиралари тадбир иштирокчиларида катта таассурот қолдирди.
Шунингдек, ижодкор ёшлардан Ўлмасбек Хўжаев, Азиза Мадраҳимова, шоир Аҳмад Нафас, Турсунбой Абдуллаев, Фарҳод Авезов, Зулфия Оллоёрова, Баҳодир Жумумуродов ва Тожибой Дўсоновларнинг дил сўзларидан кечага файз кирди.
Адабий-мусиқий тадбирда туманимизнинг таниқли санъаткорлари Анваржон Худойберганов ва Муроджон Ибрагимовлар М.Юсуф шеърлари билан айтиладиган Ватан, ёр, муҳаббат мавзуларидаги қўшиқларни маҳорат билан ижро этдилар. Ниҳоятда самимий, Ватанга ёр туйғулар оғушида ўтган адабий-мусиқий тадбир туманимиз халқининг Муҳаммад Юсуф даҳосига чексиз эҳтироми ифодаси бўлди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
