ТАЛАБАЛИК БАХТИГА ЭРИШГАН ЁШЛАР БИЛАН ФАХРЛАНАМИЗ
Оилада фарзанд дунёга келса ўқимишли, ақлли, элга фойдаси тегадиган инсон бўлсин, дея эзгу ниятлар қиламиз ва фарзандлар тарбиясига алоҳида эътибор беришга интиламиз.
Лекин фарзандининг ўқиш-ёзишига алоҳида эътиборли бўлиб, вақт ажратадиганлар ҳам, тарбияни иккинчи даражага қўядиганлар ҳам бор. Афсуски, ҳамма ота-оналар ҳам бу борада бирдек жон куйдирмайдилар.
Бу йил ОТМларга ҳужжат топширган абитуриентлар сони минглаб эканлигини кузатдик. Тест синовлари адолатли, шаффоф ўтганлигига ота-оналардан бири сифатида мен ҳам гувоҳман. Кимнингдир омади келди, яна кимнингдир омадсизлигини кўрдим. Лекин шуни ишонч билан айтаманки, талабалик бахти энг билимдонларга насиб этди.
Туманимиздаги 55-сонли мактабда ҳам ўқувчиларга тарбия-таълим бериш, уларнинг хатти-ҳаракатларини доимий назорат қилиш, ҳар бир болага алоҳида эътиборли бўлиш учун жон куйдираётган устозлар, мураббийлар анчагина. Шу боис, бу йилги битирувчилар орасида устозларини хурсанд қилиб, ишончини оқлаган ўқувчилар ҳам кўп бўлди. Улардан 17 нафари ОТМларга ўқишга кирдилар.
- 2020-2021 ўқув йилида ҳам юқори натижаларга эришиш ниятидамиз, - дейди мактаб директори Д.Ариков, - таълим сифатини ошириш, давлатимиз раҳбари айтганидек, ҳар бир ўқитувчини фаолликка ва виждонан ишлашга давъат этган ҳолда ўқувчилар онгини шакллантириш борасида қиладиган вазифаларимиз ҳам кўп.
- Эндиликда ҳеч бир ўқитувчининг деярли бир сония ҳам бўш вақти бўлмайди, фақат иш, сифат ва самарадорлик биз учун асосий мезон бўлади, - дейди мактаб директорининг ўқув ишлари бўйича ўринбосари Д.Ўрозбоева.
Мактаб битирувчилари орасида мамлакатимизда ва дунёда рейтингги энг юқори ҳисобланган Оксфорд университетининг Тошкент филиалига, Тошкент Ахборот технологиялари университети, Тошкент Давлат Транспорт университетларига юқори балл билан ўқишга кириб, талабалик бахтига эришган ёшларнинг ҳам борлиги қувонарли. Биз талабалик бахтига эришган барча ёшларни чин дилдан табриклаб, ўқиш ва ишларида омадлар тилаймиз.
Зуҳра АҲМЕДОВА, газетанинг жамоатчи мухбири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
