ТУМАНДАГИ БОШ ВАЗИР ҚАБУЛХОНАСИ ТАДБИРКОРЛАР КЎМАКЧИСИГА АЙЛАНДИ

Туманимиздаги Ўзбекистон Республикаси Бош Вазирининг Тадбиркорлар мурожаатларини кўриб чиқиш қабулхонаси томонидан тадбиркорларни қийнаётган, уларнинг фаолиятига тўсиқ бўлаётган муаммоларни бартараф этишда яқиндан кўмак берилмоқда.

Ўтган 2020 йил давомида қабулхона томонидан ҳудудларда 42 та сайёр қабуллар ташкил этилди. Олиб борилган тарғибот-ташвиқот ишлари ҳамда ўтказилган суҳбатлар давомида қабулхонада жами  326 та масалалар бўйича 313 та мурожаатлар рўйхатга олинди. Келиб тушган мурожаатларнинг 10 таси Республика миқёсидаги, 102 таси Қорақалпоғистон Республикаси миқёсидаги, 201 таси туман миқёсидаги мурожаатлар бўлиб, мурожаатларнинг 71 таси ўтказилган сайёр қабуллар орқали, 98 таси бевосита қабулхонага мурожаат қилиш орқали, 139 таси “Ишонч телефони” орқали, 5 таси business.gov.uz портали орқали электрон тарзда келиб тушган.

Рўйхатга олинган 313 та мурожаатдан 251 таси қаноатлантирилди. Қолган 72 тасига тушунтиришлар берилиб, 3 та мурожаат рад этилди.

Ўтган йил давомида тадбиркорларнинг мурожаатлари кўриб чиқилиши мобайнида муддат бузилиши, юзаки кўриб чиқиш ҳолатларига йўл қўйган корхона-ташкилот раҳбарларига ушбу камчиликларни бартараф этиш юзасидан 7 та тақдимнома хатлари киритилиб, 4 нафар ходимга нисбатан интизомий таъсир чоралари кўрилди.

Қабулхонанинг амалий ёрдами туфайли элимиз фаровонлигига ҳисса қўшаётган тадбиркорлар сони кўпаймоқда. Тадбиркорларнинг ҳақ-ҳуқуқларини ҳимоя қилишда, муаммоларига ечим топишда Қабулхона томонидан кўрсатилаётган қатор амалий ёрдам ишбилармонликни рағбатлантиришга, аҳолига хизматлар кўрсатишни яхшилашга муҳим ҳисса бўлиб қўшилмоқда.

А.ХЎЖАМУРОДОВ,

Амударё туманидаги Ўзбекистон Республикаси Бош Вазирининг

Тадбиркорлар мурожаатларини кўриб чи-қиш қабулхонаси мудири.