ХАЛҚ ДЕПУТАТЛАРИ АМУДАРЁ ТУМАН КЕНГАШИНИНГ 27-СЕССИЯСИ ТЎҒРИСИДА АХБОРОТ

2021 йил 23 февраль куни Халқ депутатлари туман Кенгашининг 27-сессияси бўлиб ўтди.
Сессия мажлисига сектор раҳбарлари, туман ҳокими ўринбосарлари, ҳокимлик масъул ходимлари, бўлимлар, тижорат банклари раҳбарлари, фуқароларнинг ўзини-ўзи бошқариш органлари раислари ҳамда оммавий ахборот воситалари вакиллари қатнашдилар.
Сессияни туман ҳокими Султонбой Йўлдашев очиб берди ва олиб борди. Сессия кун тартибига – 2017-2021 йилларда Ўзбекистон Республикасини ривожлантиришнинг бешта асосий йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга доир давлат дастури ижросини ташкил этиш тўғриси”даги масала ҳавола этилди.

Шунингдек, “2020 йил давомида жиноятчилик ва қонунийликнинг аҳволи ҳамда бу борада туман прокуратураси томонидан амалга оширилган ишлар юзасидан туман прокурорининг ҳисоботи тўғрисида”ги, “Туманда ҳуқуқбузарликларнинг олдини олиш ва уларнинг профилактикаси ҳолати тўғрисида 2020 йилнинг 4-чорагида амалга оширилган ишлар юзасидан туман ички ишлар бўлими бошлиғининг ҳисоботи ҳақида”ги,  “Амударё тумани маҳаллий бюджетининг 2020 йилдаги ижроси тўғрисида”ги, “Мутлақ миқдорда белгиланган базавий солиқ ставкаларига киритилаётган камайтирувчи ва оширувчи коэффицентларни қўллаш тўғрисида”ги, “Ер ажратиш, эгалик қилиш, фойдаланишга ва ижарага бериш масалаларини кўриб чиқувчи доимий комиссия қарорини кўриб чиқиш ҳақида”ги масалалар ҳам кўриб чиқилиши маълум қилинди.

Кун тартибидаги “Ёшларни қўллаб-қувватлаш ва аҳоли саломатлигини мустаҳкамлаш йили” давлат дастури ижросини ташкил этиш тўғрисида”ги масала юзасидан туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Маҳмуд Шерметовнинг ахбороти тингланди.
Сессия кун тартибидаги иккинчи масала, яъни 2020 йил давомидаги жиноятчилик ва қонунийликнинг аҳволи ҳамда бу борада туман прокуратураси томонидан амалга оширилган ишлар юзасидан  туман прокурори Жавлонбек Муфтуллаевнинг ахбороти тингланди. Шунингдек, “Туманда ҳуқуқбузарликларнинг олдини олиш ва уларнинг профилактикаси ҳолати тўғрисида 2020 йилнинг 4-чорагида амалга оширилган ишлар” юзасидан туман Ички ишлар бўлими бошлиғи Улуғбек Худойберганов ахборот берди. Амударё тумани маҳаллий бюджетнинг 2020 йилдаги ижроси тўғрисидаги масала юзасидан туман Молия бўлими мудири Улуғбек Бекниязовнинг ҳисоботи ҳам тингланди.

Сессияда давомида кун тартибига киритилган “Мутлақ миқдорда белгиланган базавий солиқ ставкаларига киритилаётган камайтирувчи ва оширувчи коэффицентларни қўллаш тўғрисида”ги масала юзасидан туман Давлат Солиқ инспекцияси бошлиғи Айдос Сеитовнинг ва “Ер ажратиш, эгалик қилиш, фойдаланишга ва ижарага бериш масалаларини кўриб чиқувчи доимий комиссия қарорини кўриб чиқиш ҳақида”ги масала юзасидан туман ҳокимининг қишлоқ ва сув хўжалиги масалалари бўйича ўринбосари Файзулла Саъдуллаевларнинг ахборотлари ҳам тингланди.
Сессия кун тартибида кўрилган масалалар депутатлари томонидан қизғин муҳокама этилди. Муҳокамаларда 2-Чордара сайлов округидан депутат Муяссар Раҳматуллаева, туман Кенгаши доимий комиссияси раиси Муқаддас Бекназарова, депутат Баҳромбой Қодиров, туман Кенгаши доимий комиссияси раиси Илҳом Полвоновлар иштирок этиб, кўрилган масалалар бўйича ўз фикрларини билдирдилар.

Шунингдек, Қорақалпоғистон Республикаси Жўқорғи Кенгеси томонидан тасдиқланган жадвалга асосан “Ёшларни қўллаб-қувватлаш ва аҳоли саломатлигини мустаҳкамлаш йили” давлат дастури ижросини ташкил этиш тўғрисида”ги, дастур ижроси юзасидан “йўл харитаси”ни тасдиқлаш ва ижроси бўйича депутатлик назоратини ташкил этиш ҳамда  туман Кенгаши иш режасига мувофиқ февраль ойига мўлжалланган масалалар ҳам муҳокама қилинди.
Сессия кун тартибига киритилган барча масалалар атрофлича кўрилиб, тегишли қарорлар қабул қилинди.

Р. Йўлдошева.