АЁЛ-ҚИЗЛАР САЛОМАТЛИГИ ТИББИЙ ТЕКШИРУВДАН ЎТКАЗИЛДИ
Ўзбекистон Республикаси Президентининг 2020 йил 12 ноябрдаги “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида”ги Фармони ижросини таъминлаш мақсадида 2021 йил 11 февраль куни туман Тиббиёт бирлашмаси шифокорлари томонидан аёл-қизлар саломатлигини тиббий текширувдан ўтказишга бағишланган тадбир бўлди.
Унда кескин иқлим шароитида доимий меҳнат қилиб келаётган хотин-қизларнинг соғлиғини муҳофаза қилиш ва тиклаш мақсадида туман Тиббиёт бирлашмаси кўп тармоқли марказий поликлиникасида тор доирадаги мутахассислар иштирокида тиббий кўрик ташкил этилди. Онколог шифокор М.Холимбетов, кардиолог шифокор Н.Бозорбоева, эндокринолог шифокор М.Нуримбетова, терапевт шифокор Р.Матёқубова, стоматолог шифокор Г.Абдуллаева ҳамда акушер-гинеколог шифокор М.Аҳмедовалар иштирокида қўшимча (ЭКГ, УЗИ, лаборатор-инструментал текширувлардан қондаги қанд миқдорини аниқлаш) текширувлар билан тўлиқ қамраб олган ҳолда 11 нафар аёл-қиз бепул тиббий кўрикдан ўтказилди.
Профилактик тиббий кўрик натижасида хотин-қизларнинг 4 нафари соғлом эканлиги ва 7 нафарида турли хил сурункали касалликлар аниқланди ҳамда соғломлаштириш бўйича тавсиялар берилди.
Профилактик тиббий кўрик давомида тўғри ва соғлом овқатланиш, жисмоний фаоллик, хонадонни тоза тутиш, шахсий гигиенага риоя қилишнинг фойдаси ва унга амал қилмаганда келиб чиқадиган касалликлар ҳақида батафсил суҳбатлар ўтказилиб, аёл-қизлар томонидан берилган саволларга аниқ мисоллар билан тўлиқ жавоб берилди.
Ф.Абдуллаев,
туман Тиббиёт бирлашмаси бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
