ҚИМОР ЎЙИНИНИ ТАШКИЛ ЭТГАН ҲУҚУҚБУЗАРЛАР ЖАЗОЛАНДИ
Қимор ва таваккалчиликка асосланган бошқа ўйинларни ташкил этиш қонунга хилоф иш саналади ва бу жиноий жавобгарликка тортишга асос бўлади. Маълумки, бундай ўйинлар кўнгилсиз ҳодисаларни келтириб чиқаради.
Туманимиздаги Киличбой овулида профилактика инспектори томонидан шу ҳудудда яшовчи фуқаронинг ўз уйида таваккалчиликка асосланган қимор ўйинини қонунга хилоф равишда ташкил қилиб, бошқаларни ҳам жалб этаётганлиги аниқланган. Бу ҳолат ИИБ ходимлари томонидан тегишли тартибда расмийлаштирилиб, 78 дона ўйин карталари ва 477 минг 500 сўм пуллар ашёвий далил тариқасида олинган. Ўйинда иштирок этганлар Ўзбекистон Республикаси МЖтКнинг 191-моддаси 1-қисмида назарда тутилган хуқуқбузарликни содир қилганликда айбланиб, жазога тортилди.
Қиличбой овул фуқаролар йиғини маъмурий биносида бу бўйича ўтказилган очиқ сайёр судда ҳуқуқбузарлар қилмишидан пушаймонлигини айтиб, кечирим сўрашди. Шуни инобатга олган ҳолда суд томонидан ҳуқуқбузарларга нисбатан базавий ҳисоблаш миқдорининг 3 баробари миқдорида жарима жазоси қўлланилди.
Шу куни ўтказилган очиқ сайёр судда ҳудудда яшовчи, муқаддам оғир жиноят содир қилган 3 нафар шахс устидан “Жазони ижро этиш муассасаларидан озод қилинган айрим тоифадаги шахслар устидан маъмурий назорат ўрнатиш тўғрисида”ги Ўзбекистон Республикаси Қонуни талабидан келиб чиқиб, маъмурий назорат ўрнатилди.
С.Давлетмуродов, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
