ФУҚАРОЛАР ЙИҒИНЛАРИ ХОДИМЛАРИ ИШТИРОКИДА АМАЛИЙ ПСИХОЛОГИК-ТРЕНИНГ ЎТКАЗИЛДИ
Ўзбекистон Республикаси Президентининг 2019 йил 3 октябрдаги Фармони ҳамда тегишли Қарорида давлат органлари ва ташкилотлари ходимларининг ижтимоий-психологик ҳолатини ўрганиш ва меҳнат жамоаларида муҳитнинг ёмонлашувига имкон яратаётган шарт-шароитларни аниқлаш ҳамда уларни бартараф этиш Ўзбекистон Республикаси Президенти ҳузуридаги Давлат хизматини ривожлантириш агентлигининг асосий вазифаларидан бири сифатида кўрсатилиб ўтилган.
Шунингдек, Ўзбекистон Республикаси Президенти Шавкат Мирзиёевнинг Олий Мажлисга Мурожаатномасида бундан буён барча давлат ташкилотлари ўз фаолиятини “маҳаллабай” тарзда амалга ошириши лозимлиги белгиланган эди.
Мазкур Фармон ва Қарорда белгиланган вазифалар ижросини таъминлаш мақсадида Агентликнинг Қорақалпоғистон Республикаси филиалида психологик тарғибот гуруҳи шакллантирилди ҳамда жорий йилнинг март ойи иш режасига мувофиқ Республикамиз ҳудудларидаги маҳалла фуқаролар йиғинлари ходимлари учун психологик гуруҳ мутахассислари иштирокида амалий психологик-тренинглар ташкил этилмоқда.
Шундай тренингларнинг навбатдагиси 18 март куни туман Маҳалла ва оилани қўллаб-қувватлаш бўлими биносида туманимиздаги Хитой овули ва Жумуртов шаҳарча фуқаролар йиғинлари ходимлари иштирокида ташкил этилди. Амалий психологик-тренингда психологик гуруҳ аъзоси, психология фанлари буйича фалсафа доктори (Phd) Элмира Нуримбетова ҳамда шунингдек, психолог-мутахассислар томонидан ўтказилган машқлар орқали иштирокчиларда муаммоли вазиятлар натижасида юзага келадиган салбий эмоционал ҳолатларни бартараф этиш йўллари билан таништирилди.
Психология фанлари буйича фалсафа доктори Элмира Нуримбетова маҳалла фуқаролар йиғинлари ходимлари учун мураккаб низоли вазиятлардан қочиш, онгли қарор қабул қилиш қобилиятини ва кўникмаларини ривожлантириш, мулоқотда ўзаро қўллаб-қувватлашга интилишни ривожлантириш, жисмоний ва ҳиссий зўриқишни камайтириш, гуруҳда ишлаш кайфиятини яратиш каби тажриба ва кўникмаларни шакллантиришга қаратилган амалий машғулотлар, очиқ мулоқот шаклидаги суҳбатлар ҳам ташкил этди.
Бўлиб ўтган амалий психологик-тренинг машғулотларида иштирокчилар ўзларини қизиқтирган саволлар билан мурожаат қилдилар. Хусусан, оилавий низолар туфайли стресс ҳолатига тушиб қолган инсонлар билан мулоқот маданиятини йўлга қўйиш, аҳолининг ижтимоий ҳимояга муҳтож қатлами вакилларининг тушкун кайфиятдан халос бўлишларига кўмаклашиши, улар билан дилдан, самимий суҳбат ўтказиш борасидаги саволларга психолог-мутахассислар батафсил жавоб бердилар.
Мазкур психологик-тренинг жараёнида қўлланилган усуллардан фойдаланган ҳолда иштирокчилар келгусида ўз фаолиятларини тартибга солишлари, самарали нутқ ва мулоқот кўникмаларини ривожлантиришлари кўзда тутилган.
Бу каби психологик семинар-тренинглар республикамизнинг ижтимоий-маънавий жиҳатдан оғир ҳудудга кирувчи барча овул ва маҳаллаларида ўтказилиши режалаштирилган.
Робия Йўлдошева
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
