ЁНҒИН ХАВФСИЗЛИГИ ОЙЛИГИДА ФАОЛ БЎЛАЙЛИК
Мамлакатимизда жорий йилнинг 15 ноябридан 15 декабргача ёнғин хавфсизлиги ойлиги деб эълон қилинди. Ойликдан мақсад – иқтисодиёт тармоқлари ва ижтимоий соҳа объектлари, шунингдек, уй-жой фондини ёнғин хавфсизлиги талабларига мувофиқ ҳолга келтириш ҳамда ўта муҳим давлат аҳамиятига молик ёки ёнғин хавфи юқори бўлган объектларда ёнғин хавфсизлиги бўйича комплекс чора-тадбирларни амалга оширишдан иборат.
Ойлик доирасида туманимизда ҳам барча корхона, муассаса ва ташкилотлар, шунингдек, аҳоли турар жойларида ёнғин хавфсизлигини таъминлаш ишлари олиб борилмоқда.
Туман ҳудудидаги аҳоли хонадонларида тарғибот-ташвиқот ишлари олиб борилди ва кўп қаватли уйлардаги иситиш қозони мўриконларидаги носозликлар бартараф этилди. Бунда тегишли ташкилотлар билан ҳамкорликда иш олиб борилди. Ойлик доирасида янгидан қад кўтараётган кўп қаватли биноларда ишловчи ишчи-хизматчиларга ҳам қурилишда хавфсизликка эътиборли бўлишлари лозимлиги тушунтирилди. Тунда ишчилар тунаб қоладиган жойлар ҳам кўздан кечирилди ва камчиликларни бартараф этиши кераклиги айтилиб, муҳим тавсиялар берилди.
Тадбирлар давомида қўл-бола электр сақлагичлардан, иситиш печларидан, носоз дудбўронлардан фойдаланиш, газ таъминотига резина шланглар орқали уланиш каби камчиликлар аниқланиб, тегишли идоралар билан ҳамкорликда бартараф этилмоқда. Ёнғин хавфсизлиги қоидаларини бузган шахсларга нисбатан маъмурий чоралар кўрилиб, носоз электр мосламаларидан фойдаланиш ҳолатларига чек қўйилмоқда.
Шунингдек, фуқароларга ёнғин хавфсизлиги қоидалари акс этган эслатмалар тарқатилмоқда. Амалга оширилаётган барча тадбирлар натижасида ёнғин содир бўлиш ҳолатларининг сезиларли равишда камайишига эришилмоқда.
Азиз юртдошлар, ойлик доирасидаги тадбирларда фаол бўлайлик ва унинг талабларига риоя этишни унутмайлик!
Б.Аллаберганов, туман ФВБ НТБ бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
