ҚРИМ-КОНГО ГЕМОРРАГИК ИСИТМА КАСАЛЛИГИНИНГ ОЛДИНИ ОЛИШГА БАҒИШЛАНГАН ТАДБИР БЎЛДИ
Маълумки, кунлар исиши билан бошқа ҳашаротлар каби каналарнинг ҳам уйғониши ва фаоллашиши бошланади. Шу сабабли Қрим-Конго геморрагик иситма касаллигининг олдини олишга эътибор қаратилмоқда.
Каналар ичида инсон ҳаёти учун ўта хавфли бўлган, Қрим-Конго геморрагик иситма касаллиги қўзғатувчиларининг ташувчиси бўлган иксод каналари ҳам мавжуд. Ушбу ҳолат фуқароларимиз саломатлиги муҳофазаси йўналишида таъсирчан тадбирларни амалга оширишни тақозо этади.
Қрим-Конго геморрагик иситма касаллиги ўткир юқумли касаллик бўлиб, одамларга касаллик қўзғатувчиси билан зарарланган каналар чақиши орқали юқади. Демак, касалликнинг асосий манбаи касалланган одамлар, касалланган каналар ва касаллик қўзғатувчиси билан зарарланган ҳайвонлар ҳисобланади.
Хўш, касалликдан қандай ҳимояланиш мумкин? Умуман, бунинг иложи борми? Ҳа, албатта.
3 март куни “Аҳоли ўртасида Қрим-Конго геморрагик иситма касаллиги тарқалишининг олдини олишда фавқулодда вазиятлар давлат қутқарув тизимининг ҳамкорликдаги ҳаракатлари” мавзусидаги кўргазмали махсус-тактик ўқув-машқида айнан ушбу касалликдан ҳимояланиш бўйича тушунчалар берилди ва махсус амалий-тактик машғулотлар намойиш қилинди.
Тадбирда туман Тиббиёт бирлашмаси маъсул шифокорлари, идора, корхона, ташкилотлар вакиллари, Фавқулодда вазиятлар бўлими ходимлари иштирок этдилар. Машғулотлар аввалида туман Маҳалла ва оилани қўллаб-қувватлаш бўлими бошлиғи Ғуломжон Дуйсенбоев ушбу тадбирнинг аҳоли учун аҳамияти ҳақидаги тўхталиб ўтди. Туман санитария-эпидемиологик осойишталик ва жамоат саломатлиги бўлимининг эпидемиология ва иммунопрофилактика бўлими мудираси Гулшод Тожибоева эса Крим-Конго геморрагик иситма касаллигиҳақида батафсил маълумотлар берди. Туман Тиббиёт бирлашмасининг бош инфекционист шифокори Озод Қурбонбоев мазкур касалликнинг клиникаси, диагностикаси ва уни даволаш усуллари хусусида гапирди.
Тадбирнинг амалий қисми туман Тиббиёт бирлашмасининг кўптармоқли марказий поликлиникасида ўтказилди. Бу ерда тери ва таносил касалликлари хонаси шифокори ва ҳамшираси Қрим-Конго геморрагик иситма касаллигига чалинганликда гумон қилинган беморни текшириш, ташҳис қўйиш ва юқумли касалликлар бўлимининг изолятор хонасига ётқизиш, бу ҳақда белгиланган ташкилотларга хабарнома бериш тартибини амалда кўрсатиб бердилар.
Тадбир давомида туман Ветеринария бўлими ходимлари, Санитария-эпидемиологик осойишталик ва жамоат саломатлиги бўлими ҳамда кўп тармоқли марказий поликлиника шифокорлари ва ҳамширалари ушбу касалликдан сақланиш юзасидан ҳамкорликда тарғибот-ташвиқот ишларини янада кучайтириши лозимлиги таъкидланди.
Туман ҳокимлиги ташаббуси билан ҳамкор ташкилотлар билан биргаликда ўтказилган кўргазмали махсус тактик-ўқув машқи Қрим-Конго геморрагик иситма касаллиги билан боғлиқ нохуш ҳолатлар содирррр бўлишининг олдини олишда муҳим восита бўлди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
