ДАВЛАТ ХИЗМАТЛАРИ МАРКАЗИДА АВТОМОБИЛЬ ТАРИХИНИ БИЛИШ МУМКИН!
Эндиликда Давлат хизматлари маркази орқали Автомобиль тарихи хақида билиш имкони пайдо пайдо бўлди.
2022 йил 1 майдан “Автомобиль тарихи” маълумотларини шартномавий асосда Давлат хизматлари марказлари ёки Ягона интерактив давлат хизматлари портали орқали аниқлаш бўйича давлат хизмати йўлга қўйилмоқда.
Ўзбекистон Республикаси Президентининг “Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида” 2021 йил 24 июлдаги ПФ-6269-сонли Фармонига мувофиқ “Автомобиль тарихи” маълумотларини автомототранспорт воситаларига берилган рўйхатдан ўтказиш давлат рақами белгиси орқали шартномавий асосда Давлат хизматлари маркази ва Ягона интерактив давлат хизматлари портали орқали аниқлаш давлат хизматини кўрсатиш йўлга қўйилиши белгиланган.
“Автомобиль тарихи” маълумотлари автотранспорт воситасига доир қуйидаги ахборотларни ўз ичига олади:
автотранспорт воситасининг агрегат маълумотлари (давлат рақами белгиси, давлат рўйхатидан ўтказилган сана, русуми (модели), ишлаб чиқарилган йили, тури, кузов (шасси) рақами, тўла (юксиз) вазни, двигател рақами ва қуввати, ёнилғи тури, ранги, ўриндиқлар сони, алоҳида белгилари ёки ўзгарган агрегат маълумотлари (мавжуд бўлса);
босиб ўтган масофаси (мавжуд бўлса);
фуқаролик-ҳуқуқий шартнома (битим)лар тузилганлиги тўғрисидаги маълумотлар (ишончнома, ижара, ҳадя, мерос, олди-сотди шартномаси ва бошқалар);
йўл-транспорт ҳодисаси содир этилганлиги (мавжуд бўлса);
автотранспорт воситаси иштирокида содир этилган қоидабузарликлар (мавжуд бўлса);
автотранспорт воситасининг гаровда эканлиги ҳақидаги (мавжуд бўлса);
автотранспорт воситасига нисбатан тақиқ мавжуд ёки мавжуд эмаслиги тўғрисидаги;
божхона расмийлаштирувидан ўтган сана тўғрисидаги маълумот (агар божхона расмийлаштирувидан ўтган бўлса);
автотранспорт воситасига йўловчи ташиш бўйича лицензия варақаси олинганлиги (олинмаганлиги) ҳақидаги маълумотлар
бундан ташқари ваколатли орган манфаатдор вазирликлар ва идоралар билан келишган ҳолда “Автомобиль тарихи” маълумотларига қўшимча маълумотлар киритиши мумкин.
Ҳусниддин Ибодуллаев, туман Давлат хизматлари маркази катта мутахассиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
