Ибройим Юсупов номидаги ижод мактаби вакиллари туманимизга ташриф буюришди
Ҳозирги кунда мамлакатимизда келажагимиз бунёдкорлари бўлмиш ёшларни ҳар томонлама қўллаб-қувватлаш, уларни етук, билимли, салоҳиятли шахс, комил инсон сифатида табриялаш масаласига алоҳида эътибор берилаяпти.
Жойларда ташкил этилаётган Президент мактаблари, Президент таълим муассасалари агентлиги тизимидаги ихтисослаштирилган ва ижод мактабларида ёшларга билим беришнинг энг замонавий услубларидан фойдаланилмоқда. Жумаладан 2017 йилда Нукус шаҳрида Ўзбекистон Қаҳрамони, Ўзбекистон ва Қорақалпоғистон Халқ шоири Ибройим Юсупов номини абадийлаштириш мақсадида ташкил этилган ижод мактабида ҳам бугунги кунда ёшларни билимли, ижодкор ва она Ватанга содиқ инсонлар қилиб тарбиялаш юзасидан кўламли ишлар амалга оширилаяпти.
Жорий йилнинг 12 май куни ана шу таълим маскани – Ибройим Юсупов номидаги ижод мактаби ўқитувчилари туманимиздаги 56-сонли мактабга ташриф буюришиб, мактабнинг 6- ва 8-синфлари ўқувчиларини видеороликлар орқали ижод мактаби ҳаёти ва у ерда амалга оширилаётган маънавий-маърифий ишлар билан таништирдилар.
Ижод мактаби ўқитувчиси Мансур Пирманов ўз маърузасида мактабда 13 та фан, информатика ва ахборот технологиялари, кимё-биология, физика лаборатория ҳамда технология хоналари, шунингдек, бир қанча фан, спорт, ёш таржимонлар, веб-дизайн, компьютер графикаси, тасвирий ва рақамли санъат, авдиовизуал асарларни яратиш ва қайта ишлаш, актёрлик маҳорати ва миллий мусиқа йўналиши каби ихтисослаштирилган тўгараклар ҳам мавжуд эканлиги, ушбу таълим муассасасида ўқиш бепул эканлиги, шинам ётқохона, барча қулайликларга эга бўлган спорт зали ўқувчилар ихтиёрида эканлиги ва ўқувчиларга кунига 4 махал иссиқ овқат берилиши ҳақида маълумотлар берди.
Шундан кейин ижод мактаби ўқитувчиси Бахтли Сарибаев видеоролик орқали ўқувчиларни жорий йилда ижод мактабида ўтказилган ижодий танловлар ва ўқувчилар томонидан амалга оширилган ижодий ишлар ҳақидаги маълумотлар билан таништирди.
Бу маълумотларда кўрсатилишича ижод мактаби ўқувчилари жорий ўқув йилда Халқ шоири, Ўзбекистон Қаҳрамони Эркин Воҳидов таваллудининг 85 йиллиги муносабати билан ўтказилган “Тонг нафаси илҳомлари” танловида, Ёшлар ишлари агентлиги қошида ташкил этилган “Ёш ижодкорлар клуби” ташаббуси билан ўтказилган “Дуел” танловида ва бошқада кўплаб танловларда иштирок этишиб, фахрли ўринларни эгаллашга муваффақ бўлишган.
Ижод мактабида ўқувчиларнинг ижодий ишларини китоб ҳолида чоп этиш масаласига ҳам алоҳида эътибор берилган.
Президент таълим муассасалари агентлиги томонидан нашр этилган “Ижод боғидан гулдаста” деб номланган тўпламга мактаб ўқувчиларидан Қуролтоев ва Реймбоеваларнинг ҳам ижодий ишлари киритилган. Яқинда яна шундй тўпламга 12 нафар ёш ижодкорнинг ижодий ишлари ҳам тавсия қилинган.
Ижод мактаби ўқитувчиси Бахтли Сарибаев маърузасидаги маълумотлар – 10-синф ўқувчиси Тилавниязованинг “Immerse Education” Халқаро иншолар танловида қатнашиб, 2022 йилда дунёнинг энг нуфузли 4 та олий таълим даргоҳи - Оксфорд ҳамда Камбридге, шунингдек, Лондон ва Сидней университетларида билим олиш ва ёзги таътилни ҳам шу жойларда ўтказиш имкониятларини қўлга киритганлиги ҳамда битирувчиларнинг олий таълим муассасаларига имтиёзли равишда қабул қилиниши ҳақидаги маълумотлар мактаб ўқувчиларида катта қизиқиш уйғотди. Учрашув якунида ўқувчилар томонидан маърузалар юзасидан берилган барча саволларга жавоблар берилди.
56-сонли мактабнинг ижодий-маданий масалалар бўйича тарғиботчиси, фахрий журналист Алламберган Жуманиёзов ташаббуси билан ўтказилган бу учраув мактаб ўқувчиларида катта таассурот қолдирди.
М.Шомуродов
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
