Ўқитувчи меҳнати самараси ўқувчилар ютуқларидан акс этади
Дарҳақиқат шундай. Бизнинг 18-сонли мактабимиз ўқитувчилар жамоаси шу боисдан ҳам ўқувчиларимиз эришаётган қтор ютуқлардан қувониб, таълим-тарбия самарадорлигини яна ҳам оширишга эришишмоқда. Улар туманимиз мактаблари ўқитувчилари орасида ўтказилган “Заковат” интеллектуал ўйинида фахрли 3-ўринни эгаллашди.
2020-2021 ўқув йилида мактабимизнинг 48 нафар битирувчиларидан 12 нафари мамлакатимиздаги нуфузли олий таълим муассасалари талабалари бўлишди. Жорий йилда бу кўрсаткични яна ҳам оширишга ҳаракат қилаяпмиз.
Макатабимизда ёшлар маънавиятини юксалтириш борасида муҳтарам Президентимиз белгилаб берган беш ташаббус доирасида ўқувчиларни китобхонликка жалб этишга, спорт билан шуғулланишга ахборот коммуникацион технологияларни чуқур эгаллашга ва касб-ҳунарларга йўналтиришга хизмат қилувчи тўгараклар фаолияти йўлга қўйилганлиги уларнинг бўш вақтлари мазмунли ўтишига муҳим омил бўлаётир. Бу борадаги саъй-ҳаракатлар натижасида мактабимизнинг 9-синф ўқувчиси Жамшид Оллаёзов, Муҳиддин Қори Ёқубов номидаги кўрик-танловда республикада 1-ўринни эгаллашга муваффақ бўлди. “Ёшлар овози” танловида 6-синф ўқувчимиз Бунёдбек Исмоилов туманда биринчи ўринни эгаллаб, кейинги босқичга йўлланмани қўлга киритди. Шунингдек, спортнинг каратэ, бокс, бадиий гимнастика турлари билан мунтазам қатнашиб, нуфузли беллашувларда ғолиб, совриндор бўлаётган ўқувчиларимиз ҳам бор.
Айни кунда мамлакатимизда 524 нафар ўқувчиларга 55 нафар малакали ва маҳоратли педагоглар таълим беришмоқда. Улар соҳага жорий этилаётган янгиликлар, илғор методларни ўз фаолиятларидан унумли қўллаб, ўқувчи-ёшларнинг баркамол инсонлар бўлиб вояга етишларига ўз ҳиссаларини қўшишмоқда.
Махсуда Йўлдошева, шу мактаб
ижодий-маданий ишлар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
