ЎҚУВЧИЛАР ЎРТАСИДА МАКТАБ КУБОГИ УЧУН БАРЧА ФАНЛАРДАН БЕЛЛАШУВ ТАШКИЛ ЭТИЛДИ
Юртимизда ёш авлодни келажакнинг муносиб бунёдкорлари, комил инсонлар бўлиб вояга етишларига имконият яратишга алоҳида эътибор қаратилмоқда. Бунда, албатта, таълим соҳасида амалга оширилаётган ислоҳотлар ўзининг ижобий самарасини бермоқда. Ёшлар мамлакатнинг эртанги кунига дахлдор эканликларини англаган ҳолда бугунги имкониятлардан фойдаланиб чуқур билим эгаллашга, барча соҳаларда ўз иқтидорларини намоён этишга ҳаракат қилишмоқда ва келажакнинг муносиб ворислари эканлигини кўрсатишмоқда.
Ўқувчиларнинг таълим олишга бўлган қизиқишларини янада ошириш, улар ўртасида соғлом рақобатни шакллантириш мақсадида 69-сонли мактабда ҳам мактаб директори Дилшод Бабаниёзов ташаббуси билан мактаб кубоги учун барча фанлардан ўқувчилар ўртасида беллашув ташкил этилди.
Ушбу беллашувда мактабдаги жами 714 ўқувчидан 500 нафарга яқини иштирок этди. Мактаб кубоги учун ўтказилган беллашувни ташкил қилиш ва ўтказишда мактабнинг бошланғич синфлар услубий бирлашмаси раҳбари Жумагул Болтаева, аниқ фанлар услубий бирлашмаси раҳбари Рустам Ваисов, чет тиллар услубий бирлашмаси раҳбари Барно Сапаева, Биология фанлари услубий бирлашмаси раҳбари Мунаввар Матжанова, она тили ва адабиёти фани услубий бирлашмаси раҳбари Маҳбуба Сариева, амалий фанлар услубий бирлашмаси раҳбари Малоҳат Болтаева, фаол ўқитувчилардан Барчиной Ишматова, Санамжон Матякубова, Нажматдинова Саида, Дилдора Қўшназарова, Хосият Ўразбоева, Замира Асқарова, Юлдуз Саидмуродоваларнинг хизмати катта бўлди.
Айтиш жоизки, 2021-2022-ўқув йилида 69-сонли мактабда самарали ишлар амалга оширилди. Ўқувчиларга сифатли таълим-тарбия бериш асосий мақсади бўлган жонкуяр устозлар мактабда самарали меҳнат қилиб келмоқдалар. Якунига етаётган 2021-2022 ўқув йилида энг яхши фан ўқитувчиси номинацияси билан тақдирланган ўқитувчилардан Барчиной Ишматова, Мунаввар Матжанова, Баҳром Матмуродов, Маҳбуба Сариева ҳамда мактабнинг маънавий-маърифий ишлар бўйича директор ўринбосарлари Дилшод Болтаев, Жўрабек Тажимуродовлар, ўқув ишлари бўйича директор ўринбосари Ўктам Матниязов, Жаҳонгир Жумановлар ҳам таълим-тарбия борасидаги ишларнинг ривожи учун муносиб ҳиссаларини қўшиб келишмоқда.
Беллашувда ўқувчилар энг яхши футбол жамоаси, атлeтика ғолиби, Ал-хоразмий издошлари, биология билимдони, физика билимдони, энг яхши кимёгар, она тили билимдони, чeт тили билимдони, рус тили билимдони, ёш тарихчилар номинацияларини қўлга киритиш учун бор имкониятларини ишга солдилар. Ўқувчилар ўзларининг спорт маҳорати ва фанлардан олган билимларини намойиш қилиб, бир-бирларидан ортда қолмасликка ҳаракат қилдилар. Мактабнинг 1-синфидан то 11-синфига қадар бўлган ўқувчилари ўз заковати ва иқтидорларини синовдан ўтказиш давомида билимларини ҳам янада оширишдилар.
Беллашув якунида номнациялар бўйича ғолиблар эълон қилинди ва уларни тақдирлаш маросими юқори савияда ташкил қилинди. Энг юқори балл олган ўқувчиларга мактаб кубоги топширилди.
Қизиқарли ўтган беллашув барча ўқувчи ва ўқитувчиларга жуда манзур бўлди ва катта таассуротлар қолдирди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
