Ўсимликлар карантини ва ҳимояси бўйича семинар бўлиб ўтди
Ўзбекистон Республикаси Ўсимликлар карантини илмий-тадқиқот институти томонидан Қорақалпоғистон Республикаси Амударё туманининг Чойкўл овули ҳудудидаги боғ майдонида биологик усулнинг афзаллигига бағишланган семинар бўлиб ўтди.
Тадбирга Ўсимликлар карантини ва ҳимояси илмий-тадқиқот институти масъуллари, мазкур илмий-тадқиқот институтининг Қорақалпоғистон Республикаси филиали директори Дарёбой Уббиниязов ва филиал ходимлари, туман фермер, деҳқон хўжаликлари ва томорқа ер эгалари кенгаши мутасаддилари, пахта кластери корхонаси бош агрономи, туман агроном-инспекторлари, биолаборатория ходимлари ва боғдорчиликга ихтисослашган фермер хўжаликлари қатнашди.
Маълумки, қишлоқ хўжалиги экинлари майдонларини кенгайтириш ва уларнинг ҳосилдорлигини ошириш учун карантиндаги ва бошқа иқтисодий хавфи юқори бўлган зараркунандаларга алоҳида эътибор қаратиш лозим. Бу борада феромониторинг усулининг ўрни катта. Мазкур усул зараркунанданинг табиатда ривожланишини аниқлаш натижасида унга қарши биологик ёки кимёвий усулни ишлатишнинг илмий асосланган муддатини белгилаб бериб, ҳимоя самарадорлигини оширади. Зараркунандаларнинг бор ёки йўқлигини мониторинг қилиш мақсадида феромон тутқичлардан тўғри фойдаланиш, зараркунандалар мавжуд бўлган тақдирда тезкорлик билан уларга қарши кураш чораларини ишлаб чиқиш усулларини тўғри олиб бориш ҳақида маълумотлар берилди.
Семинарда карантиндаги ва бошқа хавфли зараркунанда ўчоқларини йўқ қилиш ва улардан ҳоли бўлган ҳудудларни белгилаш, улар тарқалишининг олдини олиш ҳамда уларга қарши курашиш бўйича зарур тавсиялар берилди. Туман ҳудудида катта иқтисодий зарар келтириши мумкин бўлган зараркунандаларнинг хавфлилик таҳлилини ўтказиш ва улар кириб келишининг олдини олишга қаратилган илмий асосланган фитосанитар чоралар ишлаб чиқиш ва уларни амалиётга тадбиқ этиш юзасидан семинар иштирокчиларига маълумотлар бериб ўтилди.
Шунингдек, тадбир давомида туман агроном-инспекторлари томонидан ўсимликлар карантини ва ҳимояси соҳасида феромон тутқичлардан кенг фойдаланиши бўйича феромониторинг юрилиши, шу билан бирга, зараркунандларнинг қишлоқ хўжалигига таъсирини ўрганиш, уларни зарарсизлантиришнинг замонавий усулларини ишлаб чиқиш ва янги турдаги чораларни яратиш муҳокама қилинди.
Семинарда иштирокчилар юқоридаги зараркунандаларга қарши ўз вақтида кураш олиб борилмаса, уларнинг иқтисодий зарари, тарқалиш хавфи ва оқибатлари ҳақида тушунчаларга эга бўлишиб, ўзларини қизиқтирган саволларга мутахассислар томонидан жавоблар олишди.
Шаҳзод ҚУРБОНБОЕВ, ҚДУ талабаси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
