“ЙИЛНИНГ ЭНГ ЯХШИ ТАРБИЯЧИСИ – 2022” КАСБИЙ КЎРИК-ТАНЛОВИНИНГ ТУМАН БОСҚИЧИ ҒОЛИБЛАРИ АНИҚЛАНДИ
Туманда Мактабгача таълим бўлими томонидан Қорақалпоғистон Республикаси Мактабгача таълим вазирлигининг 2022 йил 5 сентябрь кунги тегишли буйруғига кўра “Йилнинг энг яхши тарбиячиси – 2022” касбий кўрик-танловининг туман босқичи ўтказилди.
Шу йил 20 сентябрь куни бўлиб ўтган танловда тумандаги МТТларнинг тарбиячилари уч шарт бўйича беллашишди. Танловнинг биринчи шартига кўра иштирокчилар педагогик фаолияти бўйича ДМТТнинг веб-сайтидаги саҳифасида “Илк қадам” мактабгача таълим давлат дастурини амалга оширувчи методик ёки бошқа муаллифлик ишлари, педагогик тажрибасини акс эттирувчи фото ва видео лавҳалар ҳамда материаллар қамраб олинган “Электрон-портфолио”сини тақдим этишди. Иккинчи шартга кўра иштирокчилар МТТдаги педагогик фаолияти, шахсий ютуқлари ва ўтказаётган машғулотларининг тасвири асосида тайёрлаган видеороликларини топширишди.
Танлов давомида иштирокчиларининг ўқув-услубий, маънавий-маърифий ишларини акс эттирувчи материаллари ва ижодий ишлари, фахрий ёрлиқлари ҳамда дипломлари ҳам эътиборга олинди.
Танлов якунида 5-сонли МТТ тарбиячиси Феруза Ризаева “Энг яхши методист тарбиячи” номинацияси бўйича, 23-сонли МТТ тарбиячиси Зарафшон Жоллибаева “Энг яхши креатив тарбиячи” номинацияси бўйича, 27-сонли МТТ тарбиячиси Дилрабо Бозорбоева “Инновацион ва ахборот технологияларини қўллайдиган энг яхши тарбиячи” номинацияси бўйича, 4-сонли МТТ тарбиячиси Дилфуза Ражабова “Энг яхши лойиҳа муаллифи” номинацияси бўйича, 2-сонли МТТ тарбиячиси Наргиза Қувватова “Моҳир қўл устаси” номинацияси бўйича танловда ғолиб деб топилдилар. Ғолибларга танловнинг республика босқичига йўлланма берилди.
Соҳиба Бозорбоева, туман Мактабгача таълим бўлими
Таълим-тарбия сифатини таъминлаш ва методик хизматни ташкил этиш шўъбаси методисти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
