71-СОНЛИ МАКТАБДА ТИЛ БАЙРАМИГА БАҒИШЛАНГАН ТАДБИР ЎТКАЗИЛДИ
Юртнинг барча таълим-тарбия муассасаларида ўзбек тилига давлат тили мақоми берилган кун кенг нишонланди. Ушбу байрам бизнинг 71-сонли умумий ўрта таълим мактабимизда ҳам катта шодиёналар билан ўтказилди.
Мактабимизнинг иқтидорли ўқувчилари томонидан тайёрланган тадбирни мактаб директори Руслан Камолов очиб берди. Шундан сўнг, ўқувчилар ижросида тил байрамига бағишланган куй- қўшиқлар ижро этилди. Айниқса, она тили фани ўқитувчиси Муҳаббат Мадатова раҳбарлигидаги 5-синф ўқувчиларининг “100 та телефондан битта китоб” деб номланган саҳна кўриниши ҳаммага манзур бўлиб, катта олқишларга сазовор бўлди.
Унинг китобхонликни тарғиб қилувчи якуни барчанинг кўнглида китоб ўқишга иштиёқ уйғотди.
Тадбир якунида мактабимиз ижодий-маданий масалалар бўйича тарғиботчиси Робиға Тўраева ўқувчиларни байрам билан табриклаб, китобни севиш ва ўзбек тилини мукаммал билиш улар учун келажак эшикларининг калити эканлигини таъкидлаб барчага омад тилади.
Ҳулкарой Абдураҳмонова, 71-сонли мактаб ўқувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
